بەلگىلى اقىن اكەسىنىڭ «جوعالعان» 100 جىلقىسىن داۋلاپ, تىڭ دەرەك جاريالادى

“اسا ءىرى كولەمدە جاسالعان «عاسىر» قىلمىسىن اشكەرەلەۋگە جاردەم بەرىڭىزدەر!” – دەدى تاناكوز تولقىنقىزى.

مۇنىمەن قوسا, تىڭ اقپارات بولىسكەن جۋرناليست قىلمىستىق ىسكە قاتىستى كۇدىكتىنى دە اتادى. ونىڭ ايتۋىنشا, «عاسىر قىلمىسىنا» بەرىكبول كارىباەۆ دەگەن ازاماتتىڭ قاتىسى بولۋى مۇمكىن:

“100 جىلقىنى اساي سالعان بەرىكبول كارىباەۆ اسا ءىرى كولەمدەگى مال سانىن جوق قىلاردا كىمگە سەندى, كىمگە ارقا سۇيەدى?-دەگەن سۇراق تۋادى”, – دەدى ول.

تاۋەلسىز ءجۋرناليستىڭ دەرەگىنشە “جۇتتا قىرىلىپ قالدى” دەگەن جىلقىلاردىڭ ون شاقتىسى الىستان ەمەس, اۋىل ادامدارىنىڭ قوراسىنان شىققان كورىنەدى. ول ءتىپتى جوعالعان جىلقىنىڭ كىمنىڭ ۇيىنەن تابىلعانى تۋرالى ءتىزىم بار ەكەنىن اتاپ ءوتتى.

اۋىل ادامدارى جوعالعان جىلقىنىڭ جايىلىپ جۇرگەنىن كورىپ, پوليتسياعا حابار بەرگەن الايدا ءتارتىپ ساقشىلارى جىلقىنىڭ جوعالۋىنا قاتىستى دەرەكتى تىركەمەپتى.

تەرگەۋشىلەر جوعالعان مالدى تەكسەرۋدەن باس تارتىپ, قىلمىستى اشۋدان قاشقاقتاعان كورىنەدى.

شيەلەنىسكەن شىتىرمان مۇنىمەن بىتپەگەن. جۋرناليست جىلقى تابىلعان اۋىل ادامدارىنىڭ بەرىكبول كارىباەۆ پەن اۋىلدىڭ بۇرىنعى پوليتسيا قىزمەتكەرىنەن جوعالعان جىلقىلاردى ساتىپ العانى تۋرالى اقپاراتتى جاريا ەتتى. ال مالدى ساتىپ العان بەس ادامنىڭ بىرەۋى قازىر جاڭاارقا اۋدانىندا سوتتا ىستەيدى ەكەن.

جىلقىسىن جوعالتقان كورشىسىنىڭ شىرىلداعانىن ەستىگەن ازامات “ساتىپ العانمىن” دەپ مالدى قورادان شىعارماي وتىرعان كورىنەدى.

جۋرناليست تاعى ءبىر دەرەكپەن ءبولىستى. كارىباەۆ – بەرىكبول كارىباەۆتىڭ ايەلى عاليانىڭ ءسىڭىلىسىنىڭ كۇيەۋ. وسى ادام ءىستى تەكسەرىپ جاتقان جاڭاارقا اۋدانىنىڭ اعا تەرگەۋشىسى ەكەن.

ء“بىزدىڭ ءىستىڭ اق-قاراسىن تەكسەرەدى دەپ جۇرگەن سوتىمىزدىڭ ءبىرى اكەمنىڭ جىلقىسىن قوراسىندا ۇستاپ وتىر. ءبىرى اعا تەرگەۋشىنىڭ رولىندە باجاسىنىڭ ۇرلىعىن وتە «ادىلەتتى» جانە «قارا قىلدى قاق جارىپ» تەكسەرگەن بولىپ ءجۇر.

تەرگەۋ امالدارىن اسا ءىرى كولەمدەگى قىلمىستىق ءىستىڭ «ۇرلادى», «الاياقتىق جاسادى» دەگەن كۇدىكپەن جاۋاپقا تارتىلعان جىلقىشىنىڭ تۋىسقانى جۇرگىزگەنى قانشالىقتى ادىلەتتى جانە شىنايى بولادى?” – دەدى ول.

ال تەرگەۋشىلەردەن قايىر بولماي وتىرعان كورىنەدى. سەبەبى قۇزىرلى ورگان دالەلدەردى دە جيناماعان.

“مەنىڭشە, اسا ءىرى كولەمدەگى قىلمىس ماسەلەسىن كوتەرىپ, قوعامعا اقپارات تاراتىپ, كاسىبي ماماندىعىمەن اينالىسىپ جاتقان ءجۋرناليستى ەمەس ۇرلىق جاساعان قىلمىسكەر مەن ءبىزدىڭ مالىمىزدى قوراسى مەن جايلاۋىندا ۇستاپ وتىرعان ادامداردى تەرگەۋى, تەكسەرۋى كەرەك دەپ ەسەپتەيمىن”, – دەدى جۋرناليست.

ءبىر ءۇيىر جىلقىنى وڭاي “قىلعىتقان” ادامدار ءالى دە قاماۋعا الىنباعان. اشىنعان جۋرناليست ءىستىڭ تولىق زەرتتەلۋىن سۇراپ وتىر.

“بەرىكبول كارىباەۆتىڭ ارتىندا كىم تۇر? 100 جىلقىنى ول بىرەۋمەن ءبولىستى مە? بىرەۋگە قىلمىسىن جاسىرىپ-جاپتىرۋ ءۇشىن «اۋىزباستىرىق» بەردى مە? جوق ەندى بەرە مە? وسىنىڭ ءبارىن انىقتاۋ, قوعامعا ناقتى جانە وبەكتيۆتى اقپارات بەرۋ سىزدەردىڭ ەنشىلەرىڭىزدە, قۇرمەتتى جۋرناليستەر مەن باق وكىلدەرى”, – دەدى ول.