Jańalyqtar
Belgili aqyn ákesiniń «joǵalǵan» 100 jylqysyn daýlap, tyń derek jarııalady
Foto: ashyq derekkóz
Belgili aqyn, jýrnalıst Tanakóz Tolqynqyzy Feısbýk paraqshasynda ákesiniń 100 jylqysynyń urlanǵanyn aıtyp, eldi eleń etkizer aqparatty jarııalady. 100 jylqynyń qoldy bolýyn “ǵasyr qylmysyna” teńep, tártip saqshylary jylqynyń joǵalýyna qatysty derekti tirkemegenine shaǵymdandy, dep habarlaıdy qandastar.kz Alash.KZ ulttyq portalyna silteme jasap.
“Asa iri kólemde jasalǵan «ǵasyr» qylmysyn áshkereleýge járdem berińizder!” – dedi Tanakóz Tolqynqyzy.
Munymen qosa, tyń aqparat bólisken jýrnalıst qylmystyq iske qatysty kúdiktini de atady. Onyń aıtýynsha, «Ǵasyr qylmysyna» Berikbol Káribaev degen azamattyń qatysy bolýy múmkin:
“100 jylqyny asaı salǵan Berikbol Káribaev asa iri kólemdegi mal sanyn joq qylarda kimge sendi, kimge arqa súıedi?-degen suraq týady”, – dedi ol.
Táýelsiz jýrnalıstiń dereginshe “jutta qyrylyp qaldy” degen jylqylardyń on shaqtysy alystan emes, aýyl adamdarynyń qorasynan shyqqan kórinedi. Ol tipti joǵalǵan jylqynyń kimniń úıinen tabylǵany týraly tizim bar ekenin atap ótti.
Aýyl adamdary joǵalǵan jylqynyń jaıylyp júrgenin kórip, polıııaǵa habar bergen Alaıda tártip saqshylary jylqynyń joǵalýyna qatysty derekti tirkemepti.
Tergeýshiler joǵalǵan maldy tekserýden bas tartyp, qylmysty ashýdan qashqaqtaǵan kórinedi.
Shıelenisken shytyrman munymen bitpegen. Jýrnalıst jylqy tabylǵan aýyl adamdarynyń Berikbol Káribaev pen aýyldyń burynǵy polıııa qyzmetkerinen joǵalǵan jylqylardy satyp alǵany týraly aqparatty jarııa etti. Al maldy satyp alǵan bes adamnyń bireýi qazir Jańaarqa aýdanynda sotta isteıdi eken.
Jylqysyn joǵaltqan kórshisiniń shyryldaǵanyn estigen azamat “satyp alǵanmyn” dep maldy qoradan shyǵarmaı otyrǵan kórinedi.
Jýrnalıst taǵy bir derekpen bólisti. Káribaev – Berikbol Káribaevtyń áıeli Ǵalııanyń sińilisiniń kúıeý. Osy adam isti tekserip jatqan Jańaarqa aýdanynyń aǵa tergeýshisi eken.
“Bizdiń istiń aq-qarasyn tekseredi dep júrgen sotymyzdyń biri ákemniń jylqysyn qorasynda ustap otyr. Biri aǵa tergeýshiniń rólinde bajasynyń urlyǵyn óte «ádiletti» jáne «qara qyldy qaq jaryp» teksergen bolyp júr.
Tergeý amaldaryn asa iri kólemdegi qylmystyq istiń «urlady», «alaıaqtyq jasady» degen kúdikpen jaýapqa tartylǵan jylqyshynyń týysqany júrgizgeni qanshalyqty ádiletti jáne shynaıy bolady?” – dedi ol.
Al tergeýshilerden qaıyr bolmaı otyrǵan kórinedi. Sebebi quzyrly organ dálelderdi de jınamaǵan.
“Menińshe, asa iri kólemdegi qylmys máselesin kóterip, qoǵamǵa aqparat taratyp, kásibı mamandyǵymen aınalysyp jatqan jýrnalısti emes urlyq jasaǵan qylmysker men bizdiń malymyzdy qorasy men jaılaýynda ustap otyrǵan adamdardy tergeýi, tekserýi kerek dep esepteımin”, – dedi jýrnalıst.
Bir úıir jylqyny ońaı “qylǵytqan” adamdar áli de qamaýǵa alynbaǵan. Ashynǵan jýrnalıst istiń tolyq zerttelýin surap otyr.
“Berikbol Káribaevtyń artynda kim tur? 100 jylqyny ol bireýmen bólisti me? Bireýge qylmysyn jasyryp-japtyrý úshin «aýyzbastyryq» berdi me? Joq endi bere me? Osynyń bárin anyqtaý, qoǵamǵa naqty jáne obektıvti aqparat berý sizderdiń enshilerińizde, qurmetti jýrnalıster men BAQ ókilderi”, – dedi ol.
