Belgili kásipker Tursyn Alagózov qyzmetkerlerine 100 páter syılady

Foto: ashyq derekkóz

«GALANZ BOTTLERS» AQ basshysy, tanymal kásipker Tursyn Alagózov búgin erekshe qaıyrymdylyq jasap, kompanııasyndaǵy 100 qyzmetkerge páter syılady. Bul týraly kásipkerdiń jary belgili prodıýser Baıan Alagózova áleýmettik jelidegi paraqshasynda beınejazba jarııalady, dep habarlaıdy qandastar.kz

Kásipker aýqymdy áleýmettik bastama týraly oı 2024 jyly paıda bolǵanyn aıtty.

«Olar – kóp jyl boıy kompanııada eńbek etip kele jatqan qarapaıym jumysshylar. Arnaıy komıssııa qurylyp, muqtaj qyzmetkerlerdi anyqtady. Kópshiliginiń ómir boıy óz baspanasy bolmaǵan», – dedi Alagózov.

Baspanaly bolǵandardyń basym kópshiligi kompanııanyń qarapaıym qyzmetkerleri – eden jýýshylar, júk tasýshylar, júrgizýshiler men tehnıkalyq qyzmetkerler eken de atap ótti basshy.

Kompanııanyń áleýmettik jelidegi paraqshasynda quttyqtaý jazbasyn jarııalady.

«GALANZ bottlers» kompanııasy áleýmettik jaýapkershilik qaǵıdattaryn berik ustana otyryp, kásiporynnyń damýyna eleýli úles qosqan qyzmetkerlerge páter kiltterin tabystady. Kompanııanyń negizin qalaýshy Tursynǵalı Turymuly páter kiltterin ózi tabystaı otyryp, árbir qyzmetkerge adal qyzmeti úshin alǵys bildirdi. Páterler «Hayat Construction Group» kompanııasy salyp jatqan zamanaýı turǵyn úı keshenderinen berilýde. Qyzmetkerlerdiń alǵashqy legi jazda qonystansa, keıingi tolqyn kúzde jańa baspanalaryna kóshetin bolady.
Qurmetti áriptester, kópten kútken qonys toılaryńyz qutty bolsyn! Shańyraqtaryńyzda shattyq uıalap, bereke-birlik ornasyn!
Sizder bul qýanyshqa shyn júrekten laıyqtysyzdar!» – dep jazdy.

Jastar Janarý jazǵandaı, kásipkerdiń jary Baıan Alagózova qýanyshty jańalyqty bólisken beınejazbasynda:

– Búgin páter alǵan barlyq qyzmetkerler úshin qýanyshtymyn, – deı kele, – Kúıeýimniń jomart jáne meıirimdi bolmysy úshin óte qýanyshtymyn. Ol áleýmettik jaýapkershilikti sezinip, kompanııasynda jumys isteıtin qyzmetkerlerdi oılap osyndaı syılyq jasady. Prezıdentimiz bıznes óklideriniń áleýmettik jaýapkershiligi jaıly jıi aıtady. Sondyqtan basqa kásipkerlerdi de osyndaı jaýapkershilikti sezinýge shaqyramyn, – dedi prodıýser.

Jıynǵa qatysqan qyzmetkerler bul jańalyqty bilmegenin, marapat tabystalady dep oılaǵandaryn da jetkizdi Baıan Alagózova.