بەلگىلى مەتسەنات كاسىپكەرلەردى I-Qanat جوباسىن قولداۋعا شاقىردى

فوتو: اندرەي لۋنين

بەلگىلى مەتسەنات, كاسىپكەر دۋلات تاستەكەي كوپشىلىكتى اۋىل بالالارىن قولدايتىن جوباعا قامقورلىق جاساۋعا شاقىردى. ونىڭ ايتۋىنشا ادامي كاپيتالدى دامىتۋ ءۇشىن وسكەلەڭ ۇرپاققا كومەك بەرۋ ءۇشىن بىردەڭە ىستەسەم دەگەن دۇنيەنى ىشتەي ويلاپ جۇرگەن ازاماتتار بولسا, ولارعا تاماشا مۇمكىندىك بار.

«I-Qanat كومانداسى مەن مەنىڭ ويلارىمنىڭ ءبىر جەردەن شىعىپ جۇرگەنىنە قۋانىشتىمىن. ءسىزدىڭ دە ىشىڭىزدە وسىنداي نيەت بولسا, 4 ملن تەڭگەدەن باستاپ ءاربىر اۋدانداردا بولاشاعىنان ءۇمىتى بار, وقۋعا تالپىنىسى جوعارى ۇل-قىزداردى قولداۋعا مۇمكىندىكتەرىڭىز بار. وسكەلەڭ ۇرپاقتىڭ ءبىلىمدى بولۋىنا اتسالىسايىق اعايىن. وسى بالالارىمىز ەرتەڭ ءبىزدىڭ مەملەكەتىمىزدىڭ نىعايۋىنا كوپ سەپتىگى تيەتىنىنە كەپىلدىك بەرە الامىن»,- دەيدى د. تاستەكەي.

قازىرگى تاڭدا I-Qanat جوباسىنىڭ 170 تەن استام قامقورشىسى بار. ولاردىڭ باسىن بىرىكتىرگەن ءبىر دۇنيە بولسا, بۇل اۋىل بالالارىنا كومەكتەسسەم دەگەن نيەت دەيدى كاسىپكەر.
ايتا كەتەيىك I-Qanat بۇل – اۋىل بالالارىنا زاماناۋي قاجەتتى دەڭگەيدە ءبىلىم بەرەتىن, اۋىل مەن قالا بالالارىنىڭ اراسىنداعى تەڭسىزدىكتى ازايتاتىن, بولاشاققا ءۇمىت بەرەتىن بىرەگەي جوبا.

كاسىپكەر دۋلات تاستەكەي I-Qanat-تىڭ اباي وبلىسى بويىنشا قامقورشىسى ءارى قامقورشىلار كلۋبى- IQ Club-تىڭ الماتى قالاسى بولىمشەسىنىڭ جەتەكشىسى.