بەلگىلى مۇحيتتانۋشى كاسپي تەڭىزىنىڭ جوعالىپ كەتۋ قاۋپىنە قاتىستى سۇراققا جاۋاپ بەردى

فوتو: gov.kz

بەلگىلى مۇحيتتانۋشى كاسپي تەڭىزىنىڭ جوعالىپ كەتۋ قاۋپىنە قاتىستى سۇراقتارعا جاۋاپ بەردى. بۇل تۋرالى qandastar.kz Stan.kz اقپارات اگەنتتىگىنە سىلتەمە جاساپ حابارلايدى.

رەسەي عىلىم اكادەمياسى جانىنداعى مۇحيتتانۋ ينستيتۋتىنىڭ قىزمەتكەرى ۆلاديمير شەۆچەنكونىڭ ايتۋىنشا, قازىر كاسپي تەڭىزىنىڭ جوعالىپ كەتۋىنە ەشقانداي العىشارتتار جوق, سەبەبى تەڭىزدەگى سۋ دەڭگەيى ۇنەمى كوتەرىلىپ, تومەندەپ وتىرادى.

شەۆچەنكو عالىمداردىڭ كاسپي تەڭىزىندەگى سۋ دەڭگەيىنىڭ وزگەرۋىن 200 جىلداي باقىلاپ كەلە جاتقانىن ايتادى. سۋدىڭ اۋىتقۋى كەيدە ونداعان مەترگە جەتەتىنى بەلگىلى. سونىمەن قاتار قازىر سۋ قويمالارىنىڭ سالۋىمەن بايلانىستى سۋ اعىنىنىڭ جەكەلەگەن قۇرامداس بولىكتەرىندە ماسەلەلەر تۋىنداپ وتىرادى. الايدا, بۇل تەڭىز جوعالادى دەۋگە نەگىز بەرمەيدى.

ايتا كەتەيىك, كاسپي تەڭىزىندەگى سۋ دەڭگەيى 2006 جىلدان بەرى تومەندەپ, 2022 جىلى رەكوردتىق دەڭگەيگە جەتتى.

ەسكە سالساق, بۇعان دەيىن توقاەۆ تۇركى مەملەكەتتەرىن كاسپي مەن ارال تەڭىزىنىڭ ەكولوگيالىق ماسەلەلەرىن شەشۋ ءۇشىن بىرىگۋگە شاقىرعان ەدى.