Belgili muhıttanýshy Kaspıı teńiziniń joǵalyp ketý qaýpine qatysty suraqqa jaýap berdi

Foto: gov.kz

Belgili muhıttanýshy Kaspıı teńiziniń joǵalyp ketý qaýpine qatysty suraqtarǵa jaýap berdi. Bul týraly qandastar.kz Stan.kz aqparat agenttigine silteme jasap habarlaıdy.

Reseı ǵylym akademııasy janyndaǵy muhıttaný ınstıtýtynyń qyzmetkeri Vladımır Shevchenkonyń aıtýynsha, qazir Kaspıı teńiziniń joǵalyp ketýine eshqandaı alǵysharttar joq, sebebi teńizdegi sý deńgeıi únemi kóterilip, tómendep otyrady.

Shevchenko ǵalymdardyń Kaspıı teńizindegi sý deńgeıiniń ózgerýin 200 jyldaı baqylap kele jatqanyn aıtady. Sýdyń aýytqýy keıde ondaǵan metrge jetetini belgili. Sonymen qatar qazir sý qoımalarynyń salýymen baılanysty sý aǵynynyń jekelegen quramdas bólikterinde máseleler týyndap otyrady. Alaıda, bul teńiz joǵalady deýge negiz bermeıdi.

Aıta keteıik, Kaspıı teńizindegi sý deńgeıi 2006 jyldan beri tómendep, 2022 jyly rekordtyq deńgeıge jetti.

Eske salsaq, buǵan deıin Toqaev túrki memleketterin Kaspıı men Aral teńiziniń ekologııalyq máselelerin sheshý úshin birigýge shaqyrǵan edi.