بەلگىلى وليگارح قايتىس بولدى

فوتو: پاۆەل ميحەەۆ

Eurasian Resources Group (ERG) جانە ەۋرازيالىق قارجى كومپانياسىنىڭ اكتسيونەرى, ديرەكتورلار كەڭەسىنىڭ توراعاسى الەكساندر ماشكەۆيچ قايتىس بولدى, دەپ حابارلايدى qandastar.kz

الەكساندر ماشكەۆيچ — ERG كومپانياسىنىڭ ءىرى اكتسيونەرلەرىنىڭ ءبىرى. ول بۇل كومپانيانى پاتوح شوديەۆ, يبراگيموۆتەر اۋلەتى جانە قازاقستان ۇكىمەتىمەن بىرگە باسقارعان. ERG قۇرامىنا «قازحروم» ترانسۇلتتىق كومپانياسى, سوكولوۆ-سارىباي كەن-بايىتۋ وندىرىستىك بىرلەستىگى, «قازاقستان ءاليۋمينيى» جانە قازاقستان ەلەكتروليز زاۋىتى سىندى ەل ەكونوميكاسى ءۇشىن ماڭىزدى كاسىپورىندار كىرەدى.

سونىمەن قاتار ماشكەۆيچ پاتوح شوديەۆ پەن يبراگيموۆتەرمەن بىرگە «ەۋرازيالىق قارجى كومپانياسى» اق, «ەۋرازيالىق ونەركاسىپ كومپانياسى» اق جانە «ەۋرازيالىق وندىرىستىك كومپانيا» جشس-ءنىڭ دە تەڭ يەسى بولدى.

ول «ەۋرازيالىق قارجى كومپانياسى» اق مەن «ەۋرازيالىق بانك» اق ديرەكتورلار كەڭەسىنە جەتەكشىلىك ەتتى, قازاقستان پرەزيدەنتى جانىنداعى شەتەلدىك ينۆەستورلار كەڭەسىنىڭ مۇشەسى, سونداي-اق قازاقستاننىڭ ات سپورتى فەدەراتسياسىنىڭ قۇرمەتتى پرەزيدەنتى قىزمەتتەرىن اتقارعان.