بەلگىلى پروديۋسەر: ايەل مەن ەركەك تەڭ ەمەس

فوتو:سكرين

تانىمال پروديۋسەر, اكتريسا اينۇر جۇگىنىسوۆا اينۇر ءىلياسوۆانىڭ «MOMski اڭگىمە» پودكاستىنا سۇحبات بەرىپ, ايەل مەن ەركەكتىڭ تەڭ ەمەس ەكەنىن ايتتى, دەپ حابارلايدى qandastar.kz

Skifnews.kz اقپارات پورتالى جازعانداي, پروديۋسەر ازاماتتارعا مىنەز كەرەگىن ايتتى.

“ال ءبىز ولارعا ايەلدىڭ مىنەزىن كوپ بەرەمىز. سودان كەيىن ولار ءوز-وزدەرىن تابا الماي قالادى. سودان كەيىن دە وعان ەركەكتىك مىنەز سالۋىمىز كەرەك. ەر ازاماتىم دەپ قاراساڭ, ول ساعان ەركەك بولىپ كەلەدى. ايەلدەر كوبىنە كابلۋكتىڭ استىنا سالىپ تاستايمىز عوي. كابلۋكتىڭ استىنداعى ەركەكتى كورگەن بالا قانداي بولادى? كابلۋكتىڭ استىنا سالۋ دەگەنىمىز ەركەكتى مويىنداماۋ, ونى وزىڭنەن تومەن سەزىنۋ. سەنىڭ تاپقانىڭدى مەن دە تابا الامىن دەۋ. وسىلايشا قازىر ايەل مەن ەركەك جارىسىپ كەلە جاتىرمىز. ال بىرىكسەك, ۇلكەن يمپەريا قۇرۋعا بولاتىنىن تۇسىنبەي جاتىرمىز, — دەدى پروديۋسەر.

ول قوعامدى قالىپتاستىرستىن وتباسى ەكەنىن, دۇرىس وتباسى قالىپتاسپاعان كەزدە, ارينە حاوس بولاتىنىن ايتتى.

زاڭ بويىنشا, قۇقىق بويىنشا ايەل مەن ەركەك تەڭبىز. ال تابيعي جاراتىلىس بويىنشا ءبىز تەڭ ەمەسپىز. اللا تاعالا ءبىرىنشى ەر ازاماتتى جاراتتى. سوسىن ونىڭ جانىن تىنىشتاندىرۋ ءۇشىن ايەلدى ونىڭ قيسىق قابىرعاسىنان جاراتتى. ال قازىر ءبىز ولاردىڭ جانىن تىنىشتاندىرۋدىڭ ورنىنا ميىن اينالدىرىپ جىبەرەتىن ابيۋزەرگە اينالدىق. كوپ ايەلدەر ابيۋزەرگە اينالىپ كەتكەن, — دەدى ول.

جۇگىنىسوۆا وعان ايەلدەن كەلىپ, كۇيەۋى ۇراتىنىن ايتىپ شاعىمداناتىنىن, بىراق ساعاتتاپ سويلەسكەن سوڭ كۇيەۋىن اياپ جىلايتىنىن, سەبەبى ءوزىنىڭ قىسىم جاسايتىنىن تۇسىنەتىنىن جەتكىزدى.