Belgili prodıýser: Áıel men erkek teń emes

Foto:skrın

Tanymal prodıýser, aktrısa Aınur Júginisova Aınur Ilııasovanyń «MOMski áńgime» podkastyna suhbat berip, áıel men erkektiń teń emes ekenin aıtty, dep habarlaıdy qandastar.kz

Skifnews.kz aqparat portaly jazǵandaı, prodıýser azamattarǵa minez keregin aıtty.

“Al biz olarǵa áıeldiń minezin kóp beremiz. Sodan keıin olar óz-ózderin taba almaı qalady. Sodan keıin de oǵan erkektik minez salýymyz kerek. Er azamatym dep qarasań, ol saǵan erkek bolyp keledi. Áıelder kóbine kablýktyń astyna salyp tastaımyz ǵoı. Kablýktyń astyndaǵy erkekti kórgen bala qandaı bolady? Kablýktyń astyna salý degenimiz erkekti moıyndamaý, ony ózińnen tómen seziný. Seniń tapqanyńdy men de taba alamyn deý. Osylaısha qazir áıel men erkek jarysyp kele jatyrmyz. Al biriksek, úlken ımperııa qurýǵa bolatynyn túsinbeı jatyrmyz, — dedi prodıýser.

Ol qoǵamdy qalyptastyrstyn otbasy ekenin, durys otbasy qalyptaspaǵan kezde, árıne haos bolatynyn aıtty.

Zań boıynsha, quqyq boıynsha áıel men erkek teńbiz. Al tabıǵı jaratylys boıynsha biz teń emespiz. Alla taǵala birinshi er azamatty jaratty. Sosyn onyń janyn tynyshtandyrý úshin áıeldi onyń qısyq qabyrǵasynan jaratty. Al qazir biz olardyń janyn tynyshtandyrýdyń ornyna mıyn aınaldyryp jiberetin abıýzerge aınaldyq. Kóp áıelder abıýzerge aınalyp ketken, — dedi ol.

Júginisova oǵan áıelden kelip, kúıeýi uratynyn aıtyp shaǵymdanatynyn, biraq saǵattap sóılesken soń kúıeýin aıap jylaıtynyn, sebebi óziniń qysym jasaıtynyn túsinetinin jetkizdi.