«Bıorobottar»: belgili tarıhshy Muhamedjan Tazabek pen Bekbolat Tileýhandy aıyptady

Tarıhshy, Iassaýıtanýshy Zikirııa Jandarbek Qasqa Jol youtube-arnasyna suhbat berdi, dep habarlaıdy Qandastar.kz aqparat portaly.
Zikirııa Jandarbek áńgime barysynda dinı úrdisterge qatysty pikir bildirip, sonyń ishinde Muhamedjan Tazabek pen Bekbolat Tileýhan týraly oıyn aıtqan.

Spıker Muhamedjan Tazabek pen Bekbolat Tileýhandy ýahabılik aǵymmen baılanystyryp, olardy ««bıorobotqa» teńegen. Oǵan qosa ýahabılik aǵym ıslam elderine qurdymǵa ketirýshi kúshtiń biri degendi meńzeıdi.

“Bular tek qana adamnyń fızıkalyq bolmysynyń qajettiligin óteıtin sharıǵat jolynda. Ahlál hadıs jolynda. Bular eshqashan da rýhty moıyndamaǵan. Rýhty moıyndamaǵan jerde eshqashan da adamı jolmys joq. Rýhty moıyndamasa, ol jerde din bar dep oılamaımyn men. Rýhty Allaǵa serik qosý dese, onda bitti degen sóz. Sebebi, Rýh degenniń ózi Allanyń adamǵa bergen amanaty. Osyny moıyndamaı turǵan adamdarda qandaı ıman bolady? Rýhsyz sen robot bolasyń. Qazir batystyń barlyq jasap jatqan maqsaty sol adamdy bıorobotqa aınaldyrý. Al ýahabılik degen ıslam elderin iritýdiń eń negizgi quralynyń birine aınalyp otyr. Sol qalǵan Muhamedjan Tazabekov te, Bekbolat Tileýhan da bıorobottar”, — dedi Zikirııa Jandarbek.