جاڭالىقتار
بەلگىلى جۋرناليست دانا ورمانباەۆاعا حالىقارالىق ىزدەۋ جاريالاندى
وڭتۇستىك استانانىڭ پد تەرگەۋ باسقارماسىمەن ورمانباەۆاعا قاتىستى «ۇلتارالىق الاۋىزدىقتى ءورشىتۋ فاكتىسى بويىنشا قىلمىستىق ءىس تەرگەلىپ جاتقانىن» اتاپ ءوتتى.
«سوت «قاماۋدا ۇستاۋ» تۇرىندەگى بۇلتارتپاۋ شاراسىنا سىرتتاي سانكتسيا بەردى. سونىمەن قاتار, كۇدىكتىگە حالىقارالىق ىزدەۋ جاريالاندى». الماتى قالالىق پوليتسيا دەپارتامەنتىنىڭ ءباسپاسوز قىزمەتى
دۋبايدا تۇرىپ جاتقان ورمانباەۆا وزىنە سالىنعان حالىقارالىق ىزدەۋگە قاتىستى پىكىر ءبىلدىردى.
«دوستار, ماعان ىزدەۋ جاريالانعانى تۋرالى اقپاراتتى كورىپ, بىردەن وعان قاتىستى پىكىر ءبىلدىرىپ جاتقاندارىڭىز ءۇشىن, حابارلامالارىڭىز بەن قولداۋلارىڭىز ءۇشىن, شالعان قوڭىراۋلارىڭىز ءۇشىن راقمەت», – دەپ جازدى دانا Instagram-داعى پاراقشاسىندا.
بۇعان دەيىن ورمانباەۆامەن پروديۋسەر بايان الاگوزوۆا سوتتاسىپ, اراداعى داۋعا 2024 جىلدىڭ 4 جەلتوقسانىندا نۇكتە قويىلعان بولاتىن.
