بەلگىلى جۋرناليست قايتىس بولدى

فوتو: فەيسبۋك

بەلگىلى جۋرناليست, قازاق ءباسپاسوزىنىڭ بەلدى وكىلى ايگۇل احانبايقىزى 53 جاسقا قاراعان شاعىندا دۇنيە سالدى, دەپ حابارلايدى qandastar.kz

ايگۇل احانبايقىزى 1972 جىلى جەتىسۋ وبلىسى اقسۋ اۋدانى ويتوعان اۋىلىندا تۋعان.

1979 جىلى ءىلياس جانسۇگىروۆ اتىنداعى ورتا مەكتەپتىڭ تابالدىرىعىن اتتادى. 1989 جىلى الماتى قالاسىنداعى عابيت ءمۇسىروپوۆ اتىنداعى №86 قازاق ورتا مەكتەبىن تامامداعان.

1990-1995 جىلدارى ءال-فارابي اتىنداعى قازاق ۇلتتىق ۋنيۆەرسيتەتىندە جۋرناليستيكا ماماندىعى بويىنشا ءبىلىم العان.

ەڭبەك جولىن ستۋدەنت كەزىنەن باستاپ, الماتى وبلىستىق «جەتىسۋ» گازەتىندە ءتىلشى

بولىپ ىستەگەن. ءار جىلدارى ءتۇرلى رەسپۋبليكالىق باسىلىمداردا قىزمەت ەتكەن. ونىڭ قاتارىندا «جاس الاش» رەسپۋبليكالىق قوعامدىق-ساياسي گازەتى, «قازاق ادەبيەتى», «ايقىن», «حالىق ءسوزى», «ەگەمەن قازاقستان» باسىلىمدارىندا ءبولىم رەداكتورى, باس رەداكتوردىڭ ورىنباسارى بولىپ جۇمىس ىستەگەن.

م.اۋەزوۆ اتىنداعى قازاق مەملەكەتتىك اكادەميالىق تەاترىندا ءباسپاسوز قىزمەتىنىڭ مەنەدجەرى بولىپ ەڭبەك ەتكەن.