Belgili jýrnalıst qaıtys boldy

Foto: feısbýk

Belgili jýrnalıst, qazaq baspasóziniń beldi ókili Aıgúl Ahanbaıqyzy 53 jasqa qaraǵan shaǵynda dúnıe saldy, dep habarlaıdy qandastar.kz

Aıgúl Ahanbaıqyzy 1972 jyly Jetisý oblysy Aqsý aýdany Oıtoǵan aýylynda týǵan.

1979 jyly Ilııas Jansúgirov atyndaǵy orta mekteptiń tabaldyryǵyn attady. 1989 jyly Almaty qalasyndaǵy Ǵabıt Músiropov atyndaǵy №86 qazaq orta mektebin támamdaǵan.

1990-1995 jyldary ál-Farabı atyndaǵy Qazaq Ulttyq ýnıversıtetinde jýrnalıstıka mamandyǵy boıynsha bilim alǵan.

Eńbek jolyn stýdent kezinen bastap, Almaty oblystyq «Jetisý» gazetinde tilshi

bolyp istegen. Ár jyldary túrli respýblıkalyq basylymdarda qyzmet etken. Onyń qatarynda «Jas alash» respýblıkalyq qoǵamdyq-saıası gazeti, «Qazaq ádebıeti», «Aıqyn», «Halyq sózi», «Egemen Qazaqstan» basylymdarynda bólim redaktory, bas redaktordyń orynbasary bolyp jumys istegen.

M.Áýezov atyndaǵy Qazaq memlekettik akademııalyq teatrynda baspasóz qyzmetiniń menedjeri bolyp eńbek etken.