بەلگىلى جۋرناليست: مۇعالىم قارا جۇمىسشى ەمەس

فوتو: فەيسبۋك پاراقشاسىنان

تەلەجۇرگىزۋشى ارمانگۇل توقتامۇرات ۇستازداردى قارا جۇمىسقا جەگۋ تۋرالى بار شىندىقتى جايىپ سالدى, دەپ جازدى qandastar.kz

«ەسەپ دەپ قاعازعا كومدىك, ۇلكەن ناۋقاندارعا جۇمىلدىردىق, ماسسوۆكاعا پايدالاندىق ەندى, شىرشا بەزەندىرتىپ قويدىق. ۇستازدىڭ مىندەتى بالا وقىتۋ ەمەس پە ەدى?!

سەمەيدە ورتالىق الاڭدا №49 مەكتەپتىڭ مۇعالىمى قۋات ايتقاليەۆ شىرشا قۇرىپ جاتىپ, 5 مەتر بيىكتىكتەن قۇلاعان. باس سۇيەگى سىنىپ, ميىنا زاقىم كەلگەن. قازىر اۋرۋحانادا جاتىر. جارى سىمباتتىڭ سوزىنشە, سەنبى كۇنى ساعات 9-دا شىعارعان شىرشا قۇرۋعا. قاعاز جۇزىندە ەشقانداي بۇيرىق بولماعان.

قىزمەتتىك تەكسەرىس جۇرگىزىلگەن. ناتيجەسىندە اتالعان قايشىلىققا جول بەرگەن 3 مەكتەپتىڭ ديرەكتورىنا قاتاڭ تارتىپتىك جازا قولدانىلدى. سەمەي قالاسى ءبىلىم ءبولىمىنىڭ باسشىسى قىزمەتىنەن بوساتىلدى. ال قالانىڭ باس شىرشاسىن ورناتۋعا 25 ميلليون تەڭگە ءبولىنىپتى. اكىمدىكتەگىلەردىڭ ايتۋىنشا, ول جاساندى جەلەكتى ساتىپ الۋعا جۇمسالعان. ال شىرشانى ۆولونتەرلەر قۇرۋى ءتيىس بولىپتى. ونىڭ ورنىنا مۇعالىمدەردى مىندەتتەپ, جۇمىستى دۇرىس ۇيىمداستىرماعان قالا اكىمىنىڭ ورىنباسارى دا قاتاڭ سوگىس الدى.

ەندى وسى دۇرىس پا? مۇعالىمدى اندا دا, مىندا دا جەگىپ, قارا جۇمىسشى كۇشى رەتىندە پايدالانۋدى قويۋ كەرەك. ءمۇساپىر ەمەس, مارتەبەلى ەتەيىكشى! قوعام سىيلاماعان ۇستازدى بالا تىڭداسىن با? ال, تىڭداماعان بالادان ءبىلىمدى, تاربيەلى ادام شىعا ما?!», — دەپ جازدى و