Belgili jýrnalıst: Muǵalim qara jumysshy emes

Foto: feısbýk paraqshasynan

Telejúrgizýshi Armangúl Toqtamurat ustazdardy qara jumysqa jegý týraly bar shyndyqty jaıyp saldy, dep jazdy qandastar.kz

«Esep dep qaǵazǵa kómdik, úlken naýqandarǵa jumyldyrdyq, massovkaǵa paıdalandyq endi, shyrsha bezendirtip qoıdyq. Ustazdyń mindeti bala oqytý emes pe edi?!

Semeıde ortalyq alańda №49 mekteptiń muǵalimi Qýat Aıtqalıev shyrsha quryp jatyp, 5 metr bıiktikten qulaǵan. Bas súıegi synyp, mıyna zaqym kelgen. Qazir aýrýhanada jatyr. Jary Symbattyń sózinshe, senbi kúni saǵat 9-da shyǵarǵan shyrsha qurýǵa. Qaǵaz júzinde eshqandaı buıryq bolmaǵan.

Qyzmettik tekseris júrgizilgen. Nátıjesinde atalǵan qaıshylyqqa jol bergen 3 mekteptiń dırektoryna qatań tártiptik jaza qoldanyldy. Semeı qalasy bilim bóliminiń basshysy qyzmetinen bosatyldy. Al qalanyń bas shyrshasyn ornatýǵa 25 mıllıon teńge bólinipti. Ákimdiktegilerdiń aıtýynsha, ol jasandy jelekti satyp alýǵa jumsalǵan. Al shyrshany volonterler qurýy tıis bolypty. Onyń ornyna muǵalimderdi mindettep, jumysty durys uıymdastyrmaǵan qala ákiminiń orynbasary da qatań sógis aldy.

Endi osy durys pa? Muǵalimdi anda da, mynda da jegip, qara jumysshy kúshi retinde paıdalanýdy qoıý kerek. Músápir emes, mártebeli eteıikshi! Qoǵam syılamaǵan ustazdy bala tyńdasyn ba? Al, tyńdamaǵan baladan bilimdi, tárbıeli adam shyǵa ma?!», — dep jazdy o