Belgisiz bireýler tanymal 2 sýdıany atyp óltirip ketti

Irandyq BAQ-tyń habarlaýynsha, Shıraz qalalyq qylmystyq sotynyń sýdıasy Ehsan Bagerıge belgisiz eki adam shabýyl jasap, ony óltirip ketken. Iran bıligi bul oqıǵany terakt dep baǵalady, dep habarlaıdy Qandastar.kz aqparattyq portaly.

Bar málimetke sáıkes, Shıraz qalasyndaǵy 102-qylmystyq sot bóliminiń sýdıasy Ehsan Bagerı — ulttyq qaýipsizdikke qarsy qylmystar men esirtki kontrabandasyna qatysty isterdi qaraýmen aınalysqan.

Ol seısenbi kúni tańerteń, úıinen jumysqa shyqqan kezde pyshaqtalyp óltirilgen.

Fars provınııasynyń bas sýdıasy Sadrolla Radjaı-Nasab bul shabýyldy «terrorlyq akt» dep atap:

«Búgin tańerteń belgisiz eki adam Shıraz qalalyq 102-qylmystyq sotynyń tóraǵasy, sýdıa Ehsan Bagerıge shabýyl jasap, ony jumys ornyna bara jatqanda óltirip ketti», — dedi.

Iran Islam Respýblıkasynyń sot júıesiniń basshysy Golam Hosseın Mohsenı Edjeı Fars provınııasynyń sot organdaryna 38 jastaǵy sýdıanyń ólimine baılanysty arnaıy tergeý júrgizýdi jáne kinálilerdi tez arada jaýapqa tartýdy tapsyrdy.

Buǵan deıin, qańtar aıynda Tegeranda Joǵarǵy sottyń eki sýdıasy atyp óltirilgen bolatyn. Qylmysker sot ǵımaratyna kirip, olardy oqpen atyp óltirip, keıin ózin-ózi óltirgen. Bul oqıǵa da terakt dep tanylyp, Iran bıligi tergeý bastaǵanymen, áli kúnge deıin qylmystyń naqty sebepteri belgisiz.

Qaza tapqan sýdıalar — 71 jastaǵy Alı Rezını men 68 jastaǵy Mohammad Mogıseh. Ekeýi de tyńshylyq, terrorızm jáne saıası tutqyndar men belsendilerge qatysty rezonanstyq isterdi qaraǵan.

Associated Press agenttiginiń habarlaýynsha, bul sýdıalar Iran men Irak arasyndaǵy soǵystan keıin, 1988 jyly rejımge qarsy shyqqan myńdaǵan saıası tutqyndardyń jappaı ólimine qatysy bar.

Sol jyly jedeldetilgen sot proesteri arqyly olardy ólim jazasyna kesken.