جاڭالىقتار
بەلگياداعى قازاقستاندىقتار سۋ تاسقىنىنان زارداپ شەككەندەرگە كومەك جيناپ جاتىر
بەلگيادا تۇراتىن قازاقستاندىقتار سۋ تاسقىنى سالدارىنان قيىن جاعدايدا قالعان وتانداستارىنا كومەك قولىن سوزدى. جەرلەستەردىڭ باستاماشىل توبى «قازاقستان حالقىنا» جانە «ءبىز بىرگەمىز» قورلارىنىڭ ەسەپشوتىنا قاراجات اۋدارۋدا.
سونىمەن قاتار, جەرلەستەرىمىز بريۋسسەلدە قايىرىمدىلىق جارمەڭكەسىن وتكىزۋدى جوسپارلاپ وتىر. تۇسكەن قاراجات تابيعي اپاتتان زارداپ شەككەن قازاقستاندىقتارعا جىبەرىلەدى.
«قازاقستاندا سۋ تاسقىنىنان قانشا ادام زارداپ شەككەنىن بىلگەندە قاتتى ۋايىمدادىق. كوپتەگەن ادامدار باسپاناسىنان, مالىنان ايىرىلدى. ءبىز قازاقستاننان جىراقتا تۇرساق تا, جۇرەگىمىزبەن ارقاشان بىرگەمىز.
سوندىقتان مەن كومەگىم بولسىن دەپ «قازاقستان حالقىنا» قورىنا 500 ەۋرو اۋدارۋدى ءجون كوردىم. بارلىق زارداپ شەككەندەردىڭ ۇيلەرىنە تەز ورالۋىن جانە بۇكىل ەلدىڭ تەزىرەك ساۋىعىپ كەتۋىن تىلەيمىن», — دەدى بريۋسسەل تۇرعىنى نازگۇل بالمۇحانوۆا.
تاعى ءبىر قازاقستاندىق ارداق مولدانيازوۆانىڭ ايتۋىنشا, جەرلەستەرى زارداپ شەككەندەرگە كومەك جىبەرۋ ءۇشىن قايىرىمدىلىق جارمەڭكەسىن ۇيىمداستىرعىسى كەلەتىنىن ايتتى.
«باتىس قازاقستانداعى توتەنشە جاعداي, بولعان سۋ تاسقىنى تۋرالى بىلگەن بويدا ءاربىر قازاقستاندىق زارداپ شەككەندەرگە كومەك رەتىندە ءوز اقشاسىن جىبەرىپ, كومەكتەستى. قايىرىمدىلىق جارمەڭكەسىن ۇيىمداستىرىپ, بارلىق جينالعان اقشانى زارداپ شەككەندەرگە كومەك رەتىندە اۋدارعىمىز كەلەدى», — دەدى ول.
