بەلگيالىق ايەل اسىراپ العان جانىبەك بەلگيادان كوشەتىنىن حابارلادى

فوتو: instagram.com/muratsaveliev

بەلگيالىق ايەل اسىراپ العان جانىبەك اناسى قايتىس بولعان سوڭ باسقا ەلگە كوشۋگە بەل بۋعانىن ايتتى, – دەپ حابارلايدى Massaget.kz ءتىلشىسى.

بەلگيالىق جانىبەك اتالىپ كەتكەن مۇرات ساۆەليەۆ مالىمدەمە جاسادى.

«مەن باسقا قالاعا كوشىپ, جاڭا ورىنعا ورنالاستىم! قازىر قازاقستاندا ەمەسپىن… وتە وكىنىشتى, ويتكەنى سىزدەرگە ايتارىم كوپ ەدى. وسى ايدىڭ باسىندا مەن يسپانياداعى ارالدان ماتەريك جاعىنا كوشتىم! ەندى جىل بويى جۇمىس ىستەۋگە مۇمكىندىك بولادى. مەن اتقا ءمىنۋ بويىنشا ەكسكۋرسوۆود رەتىندە جۇمىسقا ءوتىنىش بەردىم. بويىمدا قازاقتىڭ قانى بار عوي, ويتكەنى… بىرنەشە كۇننەن كەيىن سىزدەرگە ايتار جاقسى جاڭالىق بولار دەپ ۇمىتتەنەمىن. مەن ءۇشىن دۇعا ەتىڭىزدەر. مەن دە وزدەرىڭىزدەي, ساياحاتتاۋدى جاقسى كورەتىن اداممىن. سوندىقتان مەن كەلەسى 3 اپتادا لاتىن امەريكاسىنان وتەمىن», – دەپ جازدى مۇرات ساۆەليەۆ.

ەسكە سالايىق, جانىبەك جاقىندا ەلگە ورالۋى مۇمكىن ەكەنىن ايتقان بولاتىن.