بەلسەندىلەر سۋ تاسقىنى قاۋىپ ءتونىپ تۇرعان 50 ءۇيدىڭ 30-ىن قۇتقاردى

«ادىلدىك جانە وركەندەۋ» قوعامدىق قورىنىڭ ايماقتاعى بەلسەندىلەرى ەل بويىنشا سۋ تاسقىنىنا جول بەرمەۋ جونىندەگى ءىس-شارالارعا بەلسەنە قاتىسىپ, زارداپ شەككەن وڭىرلەردىڭ تۇرعىندارىنا كومەك كورسەتىپ جاتىر.

«ادىلدىك جانە وركەندەۋ» قوعامدىق قورىنىڭ اقتوبە وكىلدىگىنىڭ باسشىسى الەكساندر ماندرىكين وڭىردە توتەنشە جاعداي رەجيمىنىڭ جاريالانۋىن كۇتپەي بىردەن ىسكە كىرىسكەن. جاعدايدى وبەكتيۆتى باعالاي وتىرىپ, بىلىكتى ەكولوگ-ينجەنەر ارىپتەستەرىمەن بىرگە بوگەتتەر مەن بەكىنىستەر سالۋ ءۇشىن جۇمىس توبىن ۇيىمداستىردى.

مەن وسى وڭىردە تۇرامىن جانە قاۋىپتى ايماقتاردى جاقسى بىلەمىن. سوندىقتان ءبىز تۇرعىن ۇيلەردى ۇلكەن سۋدان قورعاۋ ءۇشىن الدىن الا قيمىلداپ, ءوز كۇشىمىزبەن بوگەتتەر تۇرعىزا باستادىق. جاعدايدىڭ كۇردەلىلىگىنە قاراماستان, ءبىز 50 ءۇيدىڭ 30-ىن سۋ تاسقىنىنان قۇتقارىپ قالدىق, — دەيدى قوردىڭ ايماقتاعى بەلسەندىسى الەكساندر ماندرىكين.

بۇعان دەيىن اقتوبە قورىنىڭ وكىلدەرى سۋ تاسقىنى سالدارىنان قيىن جاعدايعا تاپ بولعان قازاقستاندىقتاردىڭ اتىنا وزدەرىنىڭ ءبىر كۇندىك جالاقىلارىن اۋدارعان بولاتىن.

تابيعي اپات ەل ازاماتتارىن بىرىكتىردى. دەمالىس كۇندەرى «ادىلدىك جانە وركەندەۋ» قوعامدىق قورىنىڭ بەلسەندىلەرى اتىراۋعا گۋمانيتارلىق كومەك رەتىندە, تاسقىن سۋدىڭ بوگەۋ ءۇشىن 10 مىڭ قاپ جىبەردى.

قوردىڭ اتىراۋ وبلىسىنداعى وكىلدىگىنىڭ باسشىسى الەنا اسامباەۆانىڭ ايتۋىنشا, جايىق وزەنىنىڭ جاعالاۋىن بوگەۋ ءۇشىن قۇم سالىنعان قاپشىقتار قاجەت. وسى كۇندەرى مۇنداي قورعانىس ءادىسى اتىراۋدىڭ 20 ۋچاسكەسىندە, سونداي-اق قالا ماڭىندا ءبىر مەزەتتە جۇرگىزىلۋدە. ءتىپتى تۇندە دە توقتامايدى. وبلىس تۇرعىندارى ءوز قاراجاتتارىنا قاپتار, كۇرەكتەر, قولعاپتار جانە جانارماي ساتىپ الۋدا.

قوردىڭ وڭىرلىك وكىلدىگى «اتىراۋ ەرىكتىلەرى» چاتىن اشتى. قازىر ونىڭ 1023 قاتىسۋشىسى بار. چات ارقىلى قالا ەرىكتىلەرى ءبىر-بىرىنە قاجەتتى زاتتار مەن جابدىقتاردى ساتىپ الۋعا كومەكتەسەدى, بۇل چاتقا جاقىن ماڭداعى ەلدى مەكەندەردەن بوگەت سالىپ بەرۋگە كومەك سۇراپ تا جازىپ جاتىر. بۇل ىسكە ايەلدەر قاۋىمداستىقتارى مەن ۇكىمەتتىك ەمەس سەكتور وكىلدەرى دە قوسىلىپ, ەرىكتىلەرگە ىستىق تاماق تاراتۋ تاراتىپ جاتىر, — دەيدى ەرىكتىلەردىڭ جانىندا جۇرگەن قور بەلسەندىسى الەنا اسامباەۆا.

باتىس قازاقستان وبلىسىنداعى قور بەلسەندىلەرى دە سۋ تاسقىنىنان زارداپ شەككەن اۋداندارعا كومەگىن كورسەتىپ جاتىر. وسىلايشا ولار تابيعي اپاتتىڭ زاردابىن ازايتۋ ءۇشىن جەرگىلىكتى اتقارۋشى ورگاندارىمەن, ەرىكتىلەرىمەن جانە وزگە دە ۇيىمدارىمەن كۇش بىرىكتىردى.

مەن, مەنىڭ قورداعى ارىپتەستەرىم بەلسەندى ازاماتتىق ۇستانىمى بار ازاماتتار رەتىندە ەلدە بولىپ جاتقان وقيعالارعا نەمقۇرايلى قاراي المادىق. ءوڭىر بەلسەندىلەرىنىڭ دەنى سۋ تاسقىنىنا قارسى كۇرەسىپ ءجۇر. دۋلات جۇسىپقاليەۆ, گۇلزيا احمەتوۆا سەكىلدى ايماقتاعى قور وكىلدەرى ەرىكتىلەرمەن بىرگە بەلسەندى تۇردە قىزمەت ەتىپ, گۋمانيتارلىق جۇكتەردى قابىلداۋمەن جانە جونەلتۋمەن اينالىسىپ ءجۇر. ال, قوعام بەلسەندىسى ماريا پيروگ كۇن سايىن ءىس-شارالاردىڭ بەل ورتاسىندا ءجۇرىپ, سۋ تاسقىنىنان زارداپ شەككەن ءبورىلى اۋدانىنىڭ تۇرعىندارىنا گۋمانيتارلىق كومەك ۇيىمداستىردى. ول ەرىكتىلەر ءۇشىن تۇسكى اس ۇيىمداستىرىپ, ولاردى قاجەتتى زاتتارمەن قامتاماسىز ەتىپ وتىر, — دەدى «ادىلدىك جانە وركەندەۋ» قوعامدىق قورىنىڭ بقو-داعى وكىلى اسىلانبەك گۋباشەۆ.

قور بەلسەندىسى اقپاراتتىق جۇمىس جۇرگىزىپ قانا قويماي, ەرىكتىلەرمەن بىرگە قورعانىس بوگەتتەرىن سالۋمەن اينالىسادى. ول وبلىستا Batys Today بىرىڭعاي تەلەگرام-كانالى جۇمىس ىستەيتىنىن, وندا باتىس قازاقستان وڭىرىندەگى احۋال تۋرالى وزەكتى اقپارات جاريالاناتىنىن حابارلادى. اسىلانبەك گۋباشەۆتىڭ ايتۋىنشا, قازىر زارداپ شەككەندەرگە ءبىرىنشى كەزەكتە جىلى كيىم, ماتراتستار مەن توسەك-ورىن كەرەك. سونداي-اق, سۋ باسۋ ورىندارىندا جۇمىس ىستەۋ ءۇشىن شامدار, شاتىرلار, باتپاققا قارسى رەزەڭكە ەتىكتەر, ۇرلەمەلى قايىقتار, كومبينەزوندار مەن گيدروكوستيۋمدەر قاجەت.

قازاقستاننىڭ بارلىق وڭىرلەرىندە «ادىلدىك جانە وركەندەۋ» قورىنىڭ قوعامدىق قابىلداۋلارى جۇمىس ىستەيدى. سۋ تاسقىنى كەزىندە قوردىڭ ايماقتاعى قىزمەتكەرلەرى گۋمانيتارلىق كومەك جيناۋ جانە تاراتۋ, ەرىكتىلەردىڭ جۇمىسىن ۇيلەستىرۋ فۋنكتسيالارىن اتقارادى. ءار ازامات قوردىڭ وكىلدىگىنە كومەك ءۇشىن جۇگىنە الادى نەمەسە ەلدى مەكەندەردى تەزىرەك قالپىنا كەلتىرۋگە قور ارقىلى ءوز ۇلەسىن قوسا الادى.

الداعى كۇندەرى بىردەن بىرنەشە وڭىردە وزەندەردە سۋ كولەمى ۇلعايادى دەگەن بولجام بار. «ادىلدىك جانە وركەندەۋ» قوعامدىق قورىنىڭ وكىلدەرى سۋ تاسقىنىنا قارسى جانە ونىڭ زاردابىمەن كۇرەسىپ, بوگەت پەن بەكىنىستەر سالۋ, سونداي-اق مۇقتاج جاندارعا كومەك كورسەتۋ جونىندەگى اۋقىمدى ءارى ماڭىزدى ىستەرىن جالعاستىرا بەرەدى.