Jańalyqtar
Berdenovke jasalǵan qastandyq 3,4 mlrd teńgege baılanysty bolýy múmkin – derekkóz
Shymkent qalasy ákiminiń orynbasary Rýslan Berdenovke jasalǵan qastandyq 3,4 mlrd teńgege baılanysty bolýy múmkin, dep habarlaıdy qandastar.kz Bes.Media-ǵa silteme jasap.
Qala ákimdigi men Respublica partııasyndaǵy derekkózderdiń málimetinshe, bul qarajat kópqabatty turǵyn úılerdi kúrdeli jóndeýden ótkizý úshin bıýdjetten bólingen. Atalǵan qarjyny “Turǵyn úı Shymkent” JShS ıelengen, al kompanııany kúdikti Ernar Jıenbaı basqarady.
Qastandyq jasalardan on kún buryn ákimdikte ótken jıynda Jıenbaı agressıvti minez tanytyp, zaldan shyǵarylǵan. Osy oqıǵadan keıin ony basshylyq qyzmetinen bosatý máselesi kóterilgen.
Kompanııa 2024–2026 jyldarǵa arnalǵan 3,4 mlrd teńgeni tender ótkizbeı alǵan. Derekkózderdiń aıtýynsha, bul qarajat Jıenbaı tarapynan maqsatsyz jumsalǵan nemese jymqyrylǵan bolýy múmkin. Qazirgi ýaqytta qyzmettik tekserý júrgizilip jatyr.
Aıta keteıik, qala ákimi Rýslan Berdenovti qurylys salasyndaǵy tártipti retteý maqsatynda orynbasar etip taǵaıyndaǵan bolatyn.
