جاڭالىقتار
بەردەنوۆكە جاسالعان شابۋىل: تەرگەۋ اياقتالدى
فوتو:ساياسات.كز
شىمكەنت اكىمىنىڭ ورىنباسارى رۋسلان بەردەنوۆكە قاستاندىق جاساۋ دەرەگى بويىنشا تەرگەۋ اياقتالدى. قازىر تاراپتار قىلمىستىق ءىس ماتەريالدارىمەن تانىسىپ جاتىر, دەپ حابارلايدى qandastar.kz Dalanews.kz-كە سىلتەمە جاساپ.
بۇعان دەيىن سوت كۇدىكتىگە ەكى اي مەرزىمگە قاماۋعا الۋ تۇرىندەگى بۇلتارتپاۋ شاراسىن تاڭداعان بولاتىن.
«تەرگەۋ اياقتالدى, قازىر تاراپتار ءىس ماتەريالدارىمەن تانىسىپ جاتىر. وسىدان كەيىن ءىس پروكۋراتۋراعا, سودان سوڭ سوتقا جىبەرىلەدى. ازىرگە سوت پروتسەسى باستالعان جوق», — دەپ ءتۇسىندىردى سوت وكىلدەرى.
اكىمدىك ماڭىنداعى اتىس تۋرالى
21 ساۋىردە شىمكەنت قالاسى اكىمدىگى عيماراتى ماڭىندا اتىس بولدى. سالدارىنان رۋسلان بەردەنوۆ جاراقات الدى. پوليتسيا مالىمەتىنشە, كۇدىكتى ۇستالىپ, ۋاقىتشا ۇستاۋ يزولياتورىنا قامالعان, بۇل دەرەك بويىنشا قىلمىستىق ءىس قوزعالعان.
«شىمكەنت قالاسى اكىمىنىڭ ورىنباسارى وق جاراقاتىمەن قالالىق اۋرۋحاناعا ءتۇستى. وعان شۇعىل وپەراتسيا جاسالدى. وپەراتسيا بارىسىندا قان كەتۋ توقتاتىلدى, زاقىم قالپىنا كەلتىرىلدى. ومىرىنە قاۋىپ جوق», — دەپ جازىلعان بۇعان دەيىنگى دسم حابارلاماسىندا.
