جاڭالىقتار
«بەرىك ابدىعالي ۇلىنان كوڭىلىم قالدى» – الماسبەك سادىرباي
فوتو: اشىق دەرەككوز
«شاڭىراق» ۇلتتىق اگرو-قوزعالىسى» رقب توراعاسى الماسبەك سادىرباي Adal ADAM youtube ارناسىنا بەرگەن سۇحباتىندا ۇلىتاۋ وبلىسىنىڭ ەكس-اكىمى بەرىك ابدىعالي ۇلى تۋرالى پىكىر ءبىلدىردى, دەپ جازادى qandastar.kz
«بەرىك ابدىعالي ۇلى ۇلىتاۋ وبلىسىنىڭ اۋىل شارۋاشىلىعىنا سەرپىلىس بەرەتىن جاڭا جوبا جاساي العان جوق. جالپى ونى قىزمەتتەن بوساتۋ تۋرالى شەشىم بوستان-بوسقا قابىلدانعان جوق قوي. پرەزيدەنت اكىمشىلىگى دە ساراپتاپ وتىر عوي. مەن ساراپشى رەتىندە اۋىل شارۋاشىلىعى بويىنشا جۇمىسىن كورە المادىم. مەن ول كىسىگە سەنىم ارتقانداردىڭ ءبىرى ەدىم. الاشتىڭ بۇگىنگى بۋىنداعى بەتكە ۇستار ازاماتتارىنىڭ ءبىرى ەدى. وكىنىشكە قاراي, ۇلىتاۋداعى جۇتتان كەيىن ول كىسىدەن كوڭىلىم قالدى. نەگىسى ول كىسى شارۋاشىلىق جاعى ەمەس, يدەولوگيا جاعىندا, پارلامەنت سياقتى جەردە كورگەن دۇرىس ەدى. قازاعىم, ەلىم دەگەن جۇرەگى بار ازامات. بىراق ناقتى شارۋا ادامى ەمەس. بالكىم, اۋىل شارۋاشىلىعى جاعىنان باسقاسىن قاتىرعان شىعار, بىلمەدىم», – دەدى الماسبەك سادىرباي.
