«Bes adamdy óltirgen»: Aqmola oblystyq soty 20 jyl boıy jalǵan qujatpen jasyrynyp kelgen banda basshysyna úkim shyǵardy

Foto: Pixabay

Aqmola oblystyq soty asa aýyr qylmys jasady dep aıyptalǵan banda basshysyna úkim shyǵardy. Ol bes adamdy óltirip, túrli qylmys jasaǵannan keıin 20 jyldaı jasyrynyp júrgen. Bul týraly Stan.kz aqparat agenttigi habarlaıdy.

Is materıaldaryna sáıkes, azamat K. 1998 jyldyń qańtary men 1999 jyldyń qańtary aralyǵynda bótenniń múlkine shabýyl jasaý jáne urlaý úshin qarýly top qurǵan. Sonymen qatar ol bes adamdy óltirdi dep aıyptaldy.

Ol jalǵan qujattardy paıdalanyp 20 jyldan astam ýaqyt boıy jasyrynyp júrgen.

“Sot kýágerlerdiń aıǵaqtary men saraptamalardyń qorytyndylary, sondaı-aq Aqmola oblystyq sotynyń 1999 jylǵy 13 jeltoqsandaǵy k. uıymdastyrǵan qarýly toptyń basqa da fıgýranttaryna qatysty zańdy kúshine engen úkimi negizinde K. – nyń kinásin anyqtady.

Sot jazany taǵaıyndaý kezinde jábirlenýshilerdiń ótinishterin eskerdi. Olar qatań shara taǵaıyndaýdy surady”, – delingen habarlamada.

Sondaı-aq, K.-nyń qylmystyq jaýapkershiligin aýyrlatatyn mán-jaılar da eskerilgen. Ol qylmystyq quqyq buzýshylyq jasaý kezinde qarý qoldanyp, bılik ókiliniń arnaıy kıimin kıgen.

“Qylmystyq kodekstiń 96-babynyń 2-bóligi boıynsha (1997 jylǵy redakııada) sýdıa qylmystyq-atqarý júıesi mekemesinde tótenshe qaýipsizdikti óteı otyryp, ómir boıyna bas bostandyǵynan aıyrý túrindegi jazany taǵaıyndady.

QK-niń 69-babynyń 5-bóligine sáıkes (1997 jylǵy redakııada) ómir boıyna bas bostandyǵynan aıyrý 25 jylǵa bas bostandyǵynan aıyrýmen aýystyryldy. Úkim zańdy kúshine engen joq”, – delingen habarlamada.