«Bes ýaqyt namaz oqımyn»: Dastan Sátpaev dinı kózqarasy týraly aıtty

Almatynyń «Qaırat» klýby men Qazaqstan ulttyq quramasynyń shabýylshysy Dastan Sátpaev ómirinde duǵanyń mańyzdy oryn alatynyn aıtty, dep habarlaıdy Qandastar.kz 1bol.kz-ke silteme jasap. 

«Biz kúnine bes ýaqyt namaz oqımyz. Bul eń aldymen rýhanı turǵydan maǵan kómektesedi. Men munyń bári Alladan ekenin túsinemin jáne Onyń járdemin sezemin», – dedi ol Nobel Arýstamıanǵa bergen suhbatynda.

Sátpaevtyń aıtýynsha, rýhanı tájirıbe oǵan tek ishki dúnıesinde ǵana emes, kásibı salasynda da qoldaý kórsetedi. Ol duǵada aıtqan tilekteriniń kóbisi ýaqyt óte kele oryndalǵanyn jetkizdi.

«Mysaly, meni eýropalyq klýbtardyń bireýi baıqasa eken dep duǵa ettim. Bul armanym oryndaldy», – dep bólisti Dastan.

Ol úshin ıman – kúsh pen senimdiliktiń qaınar kózine aınalǵan. Fýtbolshynyń aıtýynsha, duǵa adamnyń óz eńbegimen ushtasqanda ǵana nátıje beredi.