«Bes jas úlken jigit zorlady»: 15 jastaǵy qazaqstandyq qyz ózin kúshpen turmysqa bergenin málimdedi

Foto: ashyq derekkóz

Jelide Atyraýda 15 jastaǵy qyz ózinen bes jas úlken jigittiń zorlaǵanyn aıtyp, shaǵymyn bildirgeni túsirilgen vıdeo tarady. Bul týraly qandastar.kz Stan.kz aqparat agenttigine silteme jasap habarlaıdy.

Jelide taraǵan kadrlarda qyz kópshilikten jylap, kómek suraǵan. Jábirlenýshi qyzdyń sózinshe, osy oqıǵadan keıin ol ózine zorlyq-zombylyq kórsetken qyzǵa turmysqa shyǵypty.

“Meni 20 jasar jigit zorlady. Polıııaǵa aryz jazdym. Biraq onyń otbasy bizdiń sońymyzdan júgirip, kelin qylyp alamyz, aryzdaryńdy qaıtyp alyńdar dedi. Mundaı ótinishpen sol áýlettiń úlken kisileri keldi. Anam qazaqylyqqa salynyp, eki jaq kelisip, osy jyly 15 mamyr kúni sol jigitke turmysqa shyqtym”, – deıdi qyz.

Qyzdyń sózinshe, ony kúıeýi uryp-soǵyp, balaǵattap qaıta úıine ákelip tastapty.

“Aıaǵym aýyr bolǵan soń dárigerge tirkelýge barǵanda “18 jas joq” dep mılıııa shaqyrylyp, jigittiń ústinen is qozǵaımyz dedi. Sol kezde enem tergeýshilerge aqsha berip, isti japty. Quqyq qorǵaý organdarynda týystary bar edi. Solarǵa ótirik ÝDZ qaǵazyn jasatyp, balasyn jazadan qutqaryp qaldy. Kúıeýimniń esimi Maratov Maqsat Baqytjanuly. Olar meni oqytamyz dep, jalynyp júrip alǵan edi. Qazir oqytpaq túgili, meni úıinde uryp-soǵyp, balaǵattap, almaımyz dep úıime ákelip tastady. Aıaǵym aýyr, tórt aı boldy. Anam osy jaıtty estip aýrýhanaǵa tústi”, – deıdi qyz.

Jábirlenýshi endi polıııaǵa aryzdanaıyn dese, enesi satyp alamyz depti.

“Eneme ne istep qoıǵanymdy túsinbedim. Kelindik mindetimdi túgeldeı atqaryp júrmin. Meni osylaı aldaǵandaryńyz úshin zań aldynda jaýap beresizder desem, qutylyp ketemiz dep, jylatyp otyr. Bular zańdy satyp alyp otyr. Quqyq qorǵaý organynda isteıtin aǵaıyny bar. Sosyn Ekomedte abysyny dırektor qyzmetin atqarady. Soǵan jalǵan ÝDZ qaǵazyn jasatyp, tapsyryp, meni mektep, polıklınıka jáne úıiniń tirkeýinen shyǵaryp tastady. Olar erteń zańdy satyp alyp, balasy taırańdap júre me dep qorqamyn”, – deıdi qyz.

Atalǵan jaǵdaıǵa qatysty jábirlenýshi qyzdyń ózimen Stan.kz tilshisi baılanysyp kórdi. Degenmen ol 20 jastaǵy kúıeýimen qaıta tatýlasqanyn aıtty. Sosyn Atyraý oblystyq polıııa departamentinen mánjaıdy surap bildik.

“Atalǵan derek boıynsha qylmystyq is tirkeldi. Alǵashqy tergeý barysynda  qylmys quramyn tolyqqandy tergeý úshin jábirlenýshi tarap tıisti sot-medıınalyq, psıhıatrııalyq saraptamalarynan ótýden bas tartyp keshendi tergeý áreketterin júrgizýde kedergiler keltirgen. Áleýmettik jelide taralǵan málimetter boıynsha tergeý jańǵyrtylyp, tekseriledi”, – delingen habarlamada.

Aıta keteıik, buǵan deıin Aıagózdik jasóspirim qyz týysqan aǵasy zorlaǵanyn aıtqan edi. Aıtýynsha, aǵasy Erkebek Jumahanov qyz 6 jasta kezde óziniń jynys múshesin kórsetip, ony pornografııa kórýge májbúrlegen.