«بەسسمەرتنىي پولك» اكتسياسىنا شاقىرۋشى اكىمدەردىڭ ۆيدەولارى فەيك بولىپ شىقتى

فوتو: pexels

كيبەرشابۋىلداردى تالداۋ جانە تەرگەۋ ورتالىعى (TSARKA) تاعى ءبىر جالعان اقپارات تاراپ جاتقانىن ەسكەرتەدى, دەپ حابارلايدى qandastar.kz Zakon.kz-كە سىلتەمە جاساپ.

جەلىدە جاساندى زەردە كومەگىمەن جاسالعان وبلىس اكىمدەرى مەن باسقا دا شەنەۋنىكتەردىڭ بەينەسىن قامتيتىن شىندىققا جاناسپايتىن ۆيدەولار تابىلدى.

«مۇنىڭ ءبارى 7 جانە 9 مامىرداعى اقشالاي سىياقى قاراستىرىلعان رۇقسات ەتىلمەگەن اكتسيالارعا («بەسمەرتنىي پولك», «رەفەرەندۋم» جانە ت.ب.) قاتىسۋدى ۇسىناتىن كوپتەگەن بوت ارقىلى تاراتىلۋدا».

بۇرىن دەيىن بەلگىسىز بىرەۋ جاساندى زەردە كومەگىمەن سولتۇستىك قازاقستان وبلىسىنىڭ اكىمىن قارالاعان. تاراعان ۆيدەودا قازاقستاندىق تەلەارنالاردىڭ ءبىرىنىڭ لوگوتيپى تۇر, ال اكىم 9 مامىردا پەتروپاۆلدا قالا تۇرعىندارى مەن ءوزىنىڭ قاتىسۋىمەن «بەسمەرتىي پولك» اكتسياسىن وتكىزۋدى جوسپارلاپ وتىرعاندارىن ايتادى.