جاڭالىقتار
«بەسسمەرتنىي پولك» شەرۋى: تاريحشى زاڭ اياسىندا توسقاۋىل جاساۋدى ۇسىندى
تاريحشى, ولكەتانۋشى اماندىق ءامىرحامزين ەلدەگى «بەسسمەرتنىي پولك» شەرۋىنە قاتىستى پىكىر ءبىلدىردى, دەپ جازدى qandastar.kz
ول «Qasqa Jol» youtube-ارناسىنا بەرگەن سۇحباتىندا اتالعان شارانى زاڭ اياسىندا اۋىزدىقتاۋ كەرەك دەگەن وي ايتتى. وعان قوسا كەي وڭىردە «بەسسمەرتنىي پولك» شەرۋىنە رۇقسات بەرۋ جەرگىلىكتى اتقارۋشى بيلىكتىڭ سىرتقى قىسىمعا ۇشىراۋىنىڭ سالدارى ەكەن.
«جەرگىلىكتى ىشكى ساياسات بولىمدەرى «بەسسمەرتنىي پولك» شەرۋىن يدەولوگياسىنىڭ ارتىندا كىم تۇرعانىن ءبىلىپ وتىر دەپ ويلايمىن. ولاردىڭ اراسىندا ادامدارى بار, سىرتتان قارجىلاندىرۋى دا مۇمكىن. سولاردىڭ قىسىمىنا شىداي الماي, رۇقسات بەرۋى مۇمكىن. سوندىقتان تۇبەگەيلى جاۋاپقا تارتاتىنداي زاڭ اياسىندا شارا قاجەت. ويتكەنى بۇل وزگە ەلدىڭ سوعىسقۇمار يدەولوگياسى ءارى مەملەكەتىمىزدىڭ ىشكى ىسىنە ارالاسۋ», – دەدى تاريحشى.
