Bet súıegi synǵan: Tarazda depýtat soqqyǵa jyǵyldy

Foto: instagram.com/nureke_altynbekovih

Áleýmettik jelide Tarazda Almaty oblysy Ile aýdandyq máslıhat depýtaty Nurlan Baıǵazıevtiń aıaýsyz soqqyǵa jyǵylǵany týraly aqparat tarady, dep jazdy qandastar.kz

Polıeıler bul derekti rastady. Bul týraly Stan.kz aqparat agenttigi habarlaıdy.

Depýtattyń óziniń aıtýynsha, oqıǵa 13 mamyr kúni keshki 17:30 shamasynda qaladaǵy dámhanalardyń birinde bolǵan. Ol Tarazǵa jumys saparymen barǵan.

“Tarazǵa alaıaqtyq faktileri, basqa da rezonansty ister boıynsha keńes berýge kelgenmin. Keńes alýshylardyń biri polıııa departamenti mańyndaǵy dámhanaǵa shaqyrdy. Ol jerge túste bardym. Arasynda polıııa departamentine baryp keldim. Saǵat bester shamasynda telefonymnyń qýaty sónip bara jatqan soń, qýattap almaq boldym. Telefonymdy qýat kózine qosyp, qolyma ustap turǵanymda dámhanada otyrǵandardyń biri qasyma kelip, “Bul jerde qýattama, basqa jerge apar” dep maǵan qoqan-loqy kórsete bastady. Oǵan bul jerde barlyǵy ortaq ekenin aıttym. Ol qara sómkesinen birdeńe alyp kele jatty. Men ony vıdeoǵa túsirip turdym. Sol kezde qasyma kelip, qalaı urǵanyn bilmeımin, sol jaq betimnen urdy. Esimnen tanyp qalyppyn, ana kisi meni ary qaraı basymnan, denemnen tepkileı bergen eken. Sol jerdegi adamdar áreń degende arashalap alǵan”, – deıdi depýtat Nurlan Baıǵazıev.

Depýtat ózine tap bergen adamnyń qolynda kastetke uqsas zat bolǵanyn jáne bul áreketti ózine jasalǵan qastandyq bolýy múmkin ekenin atap ótti.

“Rezonansty istermen aınalysyp júrgen soń muny qasaqana jasaldy ma dep oılaımyn”, – deıdi ol.

Dárigerler oǵan bet súıegi synǵanyn, ota jasatý kerek ekenin aıtqan.

Jambyl oblystyq polıııa departamenti ókilderi kúdikti ustalyp, polıııaǵa jetkizilgenin habarlady.

«Bul fakt boıynsha Qylmystyq kodekstiń 293-babynyń 1-bóligi  – «Buzaqylyq» boıynsha sotqa deıingi tergep-tekserý amaldary júrgizilip jatyr. Oqıǵaǵa qatysy bar adam anyqtalyp, polıııaǵa jetkizildi. Qazirgi ýaqytta qylmystyq is boıynsha oqıǵanyń mán-jaıyn jan-jaqty jáne obektıvti anyqtaýǵa baǵyttalǵan tergeý jáne jedel-izdestirý sharalary júrgizilýde», — dedi polıeıler.

Alaıda depýtat jýrnalısterge bergen suhbatynda polıeıler kúdiktini jibere salǵanyn, ol aýrýhanaǵa baryp qysym kórsetpek bolǵanyn aıtty.

Eske salsaq, buǵan deıin Ile aýdanynyń máslıhat depýtaty Nurlan Baıǵazıev Almaty oblysynyń ıývenaldy polıııa qyzmetkerleri 17 jastaǵy qyzdy aıaldamada toqtatyp, ony qyzmettik kólikpen jetkizip salýdy usynǵan sátinvıdeoǵa túsirip, áleýmettik jelige júktegenin jazǵan edik. Osy oqıǵa úshin bir polıeı ishki ister organdarynan jumystan bosatylyp, ekinshisi laýyzymynan tómendetilgen.