«Betinen uryp, murnyn qanatqan»: Aqtaýda ógeı áke balalaryna aıaýsyz qorlyq kórsetken

Mańǵystaý oblysynyń turǵyny Týral Latıfov burynǵy jubaıy men onyń birge turatyn joldasyn balalarǵa qııanat jasady dep aıyptady. Ol áleýmettik jelide beınejazba jarııalap, alty jasar qyzynyń janaıqaıyn kórsetti, dep habarlaıdy Qandastar.kz

Beınejazbada kishkentaı qyz anasynyń joldasy, «aǵasy Rýslan» dep ataıtyn er adam, ony birneshe ret betten uryp, tipti murnynan qan ketkenin aıtady. Sondaı-aq ol tún ortasynda sabaq oqýǵa májbúrleıtinin, al uıyqtap ketse, basyn sýǵa toly shelekke batyryp oıatatynyn jasyrmaı jetkizgen.

Týral Latıfovtyń aıtýynsha, onyń eki qyzy bar: úlkeni – 9 jasta, kishisi – 6 jasta. Olardyń qorlyq kórip júrgenin ol burynnan sezgen. Áke sózinshe, tipti 16 jastaǵy ógeı uly da shydamaı, anasynan qashyp ketken. Jasóspirim ógeı ákesi men anasynyń ózine de aýyr sózder aıtyp, jumysqa jegip, uryp-soqqanyn ákesine aıtyp bergen.

Bul oqıǵaǵa qatysty Mańǵystaý oblysynyń polıııa departamenti qylmystyq is qozǵady. Tergeý «Kámeletke tolmaǵandardy tárbıeleý jónindegi mindetterin oryndamaý» baby boıynsha júrip jatyr. Qazirgi tańda barlyq taraptan túsinikteme alynyp, is basshylyqtyń erekshe baqylaýyna alynǵan.

Balalardyń taǵdyryna alańdaǵan áke:

«Qazir qyzdarym meniń qasymda. Biraq olardy anasyna qaıtarady dep qorqamyn. О́ıtkeni polıeılerdiń ózderi zań ádette ananyń jaǵynda turady degendi ashyq aıtty», – deıdi.

Jaǵdaıǵa Mańǵystaý oblystyq kámeletke tolmaǵandar isi jónindegi komıssııa múshesi Dılıara Týrına da pikir bildirdi. Onyń aıtýynsha, resmı aryz túspegenimen, ákeniń shaǵymy tirkelip, óńdelgen.