«بەتىنەن ۇرىپ جىبەردىم»: بۇرىنعى سۇيىكتىسىنە قول كوتەرگەن ءشارىپ سەرىك مالىمدەمە جاساپ, كەشىرىم سۇرادى

فوتو: Stan.kz

اكتەر ءشارىپ سەرىك ليفتتە بۇرىنعى سۇيىكتىسىنە نە ءۇشىن شابۋىل جاساعانىن ءتۇسىندىرىپ, مالىمدەمە جاسادى. بۇل تۋرالى qandastar.kz Stan.kz اقپارات اگەنتتىگىنە سىلتەمە جاساپ حابارلايدى.

ايتا كەتەيىك, جاقىندا ءشارىپ سەرىك Say Mo-دان كەيىن قوسىلعان جارى ءاليا بۋتەەۆامەن دە اجىراسىپ كەتكەنىن ايتقان ەدى. سودان كەيىن ءاليا بۋتەەۆا وعان اكتەر قول كوتەرگەنىن مويىنداپ, جەلىدە اعىنان اقتارىلدى.

“مەن زورلىق-زومبىلىققا قارسىمىن. ءبارىڭىز ۆيدەونى كوردىڭىزدەر! مەن وعان ليفتتە دورەكى ءىس-ارەكەت جاسادىم. سول ساتتە اشۋعا بوي الدىردىم. ءوزىمدى اقتاي المايمىن. ىستەگەن ارەكەتىم ءۇشىن زاڭ الدىندا جاۋاپ بەرۋگە دايىنمىن. ءاليانىڭ وزىنەن جانە اتا-اناسىنان كەشىرىم سۇرايمىن. مەنىڭ ونىڭ بەتىنەن ۇرىپ جىبەردىم. مەنىڭ قاتەلىگىمدى قايتالاماڭىزدار! ايەلگە قول كوتەرمەڭىزدەر!”, – دەدى اكتەر.

جەلى قولدانۋشىلارى ءتۇرلى پىكىر ءبىلدىرىپ جاتىر. ءبىرى قاتەلەسپەيتىن ادام جوق ەكەنىن ايتىپ اقتاسا, ەندى ءبىرى سەنبەۋگە ۇندەدى.

ء“سوزىن اناسى جازىپ بەرگەن”, “اكتەر ەكەنىن ۇمىتپايىق”, “كەشىرىم سۇراپ, قۇتىلىپ كەتپەسە ەكەن”, “لايىق جازاسىن السىن!”, “اقشا مەن اتاق تۇبىنە جەتتى”, “بيشىمباەۆ 2 بولىپ قالدى”, “كىناسىن ءتۇسىنىپ تۇر”, – دەپ جازدى كوپشىلىك.

ەسكە سالايىق, شارىپ سەرىكتىڭ بۇرىنعى جۇبايى Say Mo دا زورلىق-زومبىلىق كورگەنىن ەسىنە العان ەدى.