بەتپەردە كيگەن ادام قازاقستاندا سۋ تاسقىنىنان زارداپ شەككەندەرگە 1 ميلليون دوللار ءبولدى

ء«بىز ءىرى كوكتەمگى سۋ تاسقىنىنا تاپ بولدىق. قازاقستاننىڭ 10 وبلىسىندا توتەنشە جاعداي جاريالاندى. قازىرگى ۋاقىتتا 108 مىڭ ادام قاۋىپسىز جەرگە كوشىرىلدى. بەس مىڭنان استام ءۇي سۋ استىندا قالدى. سەگىز مىڭنان استام مال قىرىلدى», — دەيدى قايىرىمدىلىق قورىنىڭ نەگىزىن قالاۋشى جاس جىگىت.

ول قايىرىمدىلىققا ات سالىسقان بارشا حالىققا العىس ايتىپ, زارداپ شەككەن وتباسىلارعا بارلىعى ءبىر ميلليون دوللار (450 ميلليون تەڭگە) بولىنگەنىن ايتتى.

ء«بىز كومەككە كەلگەن ەرىكتىلەرگە, قۇتقارۋشىلارعا, الاڭداۋشىلىق بىلدىرگەن ازاماتتارعا جانە باسقا ەلدەردىڭ ازاماتتارىنا ۇلكەن العىسىمىزدى بىلدىرەمىز. ءبىز بىرگە بۇل اپاتتى ەڭسەرىپ, بۇدان دا مىقتى بولامىز», – دەدى بەلگىسىز بەتپەردە كيگەن ادام.

سونىمەن قاتار ول بۇل قاراجاتتى ءبولۋ كەزەڭ-كەزەڭىمەن جۇزەگە اسىرىلاتىنىن دا اتاپ ءوتتى. «سۋ تاسقىنى» دەگەن بولىمدە ناتيجەلەر جاريالانىپ وتىرادى دەدى.