Betperde kıgen adam Qazaqstanda sý tasqynynan zardap shekkenderge 1 mıllıon dollar bóldi

«Biz iri kóktemgi sý tasqynyna tap boldyq. Qazaqstannyń 10 oblysynda tótenshe jaǵdaı jarııalandy. Qazirgi ýaqytta 108 myń adam qaýipsiz jerge kóshirildi. Bes myńnan astam úı sý astynda qaldy. Segiz myńnan astam mal qyryldy», — deıdi qaıyrymdylyq qorynyń negizin qalaýshy jas jigit.

Ol qaıyrymdylyqqa at salysqan barsha halyqqa alǵys aıtyp, zardap shekken otbasylarǵa barlyǵy bir mıllıon dollar (450 mıllıon teńge) bólingenin aıtty.

«Biz kómekke kelgen eriktilerge, qutqarýshylarǵa, alańdaýshylyq bildirgen azamattarǵa jáne basqa elderdiń azamattaryna úlken alǵysymyzdy bildiremiz. Biz birge bul apatty eńserip, budan da myqty bolamyz», – dedi belgisiz betperde kıgen adam.

Sonymen qatar ol bul qarajatty bólý kezeń-kezeńimen júzege asyrylatynyn da atap ótti. «Sý tasqyny» degen bólimde nátıjeler jarııalanyp otyrady dedi.