بەتپەردە تاققان جىگىت افريكادا مەشىت پەن مەكتەپ سالىپ, قۇدىق قازىپ بەردى

فوتو: ۆيدەودان سكرين

قازاقستاندا مۇقتاج ادامدارعا كومەك كورسەتىپ, قايىرىمدىلىقپەن اينالىسىپ جۇرگەن بەتپەردەلى جىگىت افيكادا مەشىت پەن مەكتەپ سالىپ, قۇدىق قازدى. بۇل تۋرالى qandastar.kz Stan.kz اقپارات اگەنتتىگىنە سىلتەمە جاساپ حابارلايدى.

بۇل اقپارات Instgram-داعى Chelovekvmaske اككاۋنتىندا جاريالاندى

اتى-ءجونىن اتامايتىن, ءجۇزىن كورسەتپەيتىن بەتپەردەلى جىگىتتىڭ بۇگىنگە دەيىن كوپتەگەن قازاقستاندىقتارعا قول ۇشىن سوزعانى بەلگىلى. ەندى ول افريكا تۇرعىندارىنا دا كومەكتەسۋگە شەشىم قابىلداپتى.

«اللا تاعالانىڭ قالاۋىمەن ءبىز سوماليدە, بايدوادا, BARWAAQO IDP شاتىرلى لاگەرىندە مەكتەپ, مەشىت جانە قۇدىق سالدىق. Umitorganization ۇيىمىنا ۇيىمداستىرۋ ءۇشىن راحمەت», – دەپ جازدى ول جەلىدەگى پاراقشاسىندا.

ال جەلى قولدانۋشىلارى وعان قولداۋ ءبىلدىرىپ, بۇل ءىسىن جوعارى باعالاپ جاتىر.

ء«سىز سياقتى ءبىزدىڭ ۇكىمەتتە كەم دەگەندە ءبىر ادام پايدا بولسا عوي», «كوزىمە جاس كەلىپ, دەنەم تىتىركەنىپ كەتتى», «اللا ساعان دەنساۋلىق بەرسىن, الەمدە بەيبىتشىلىك بولسىن!», «قايىرىمدىلىق ۇلت تاڭدامايدى»,» ءاربىر قازاققا بۇيىرسىن وسىنداي امال جاساۋ!», «تاماشا! ابىرويىڭ اسقاقتاي بەرسىن!» دەپ يگى تىلەكتەرىن جارىسا جازۋدا.