«Bezdarnaıa»: Avtobýsta belgisiz áıel aýtızmge shaldyqqan 6 jasarǵa qyzǵa til tıgizgen

Áleýmettik jelide taraǵan vıdeoda qoǵamdyq kólikte áıel adamnyń aýtızmge shaldyqqan bala men onyń anasyna dóreki sóılep, balaǵat sózder aıtqany beınelengen, dep jazdy Qandastsr.kz.

Jeli qoldanýshylary bul áreketke narazylyq bildirip, ana men balaǵa qoldaý tanytyp jatyr.

Kadrlardan áıeldiń balany «bezdarnaıa» dep, anasyna kıimine baılanysty eskertý jasaǵany kórinedi.

Balanyń anasy bolsa, qyzynyń aýtızmge shaldyqqanyn aıtyp, túsinistik tanytýdy suraıdy.

Aýtızmge shaldyqqan 6 jasar Anısanyń anasy Saǵınanyń aıtýynsha, olar kún saıyn avtobýspen qatynaıdy, sebebi jeke kóligi joq, al ınvataksı shaqyrý múmkin bolmaı qalǵan kúnder jıi kezdesedi.

«Buryn qyzym avtobýsqa minýge qorqatyn, qatty aıqaılap, edenge jatyp alatyn. Qazir em-domnyń arqasynda tynyshtala bastady, tek bir sózdi qaıtalap aıtady. Biraq bul da keıbir jolaýshylarǵa unamaıdy. Búgin bir áıel qyzyma «bezdarnyı» dep til tıgizdi. Bul meniń júregime qatty tıdi», – deıdi anasy.

Saǵına qyzyn qoǵamdyq ortada túsinispeýshilikten qorǵaý úshin onyń kıimine arnaıy tósbelgi taǵyp qoıǵan.

Onda «Men ózimdi jaman ustamaımyn, men erke emespin. Mende AÝTIZM. О́tinish, sabyrlyraq bolyńyzdarshy» dep jazylǵan.

Oqıǵa jeli qoldanýshylarynyń narazylyǵyn týdyryp, kópshilik dórekilik tanytqan áıeldi jazalaýdy talap etýde. Keıbir azamattar óz tájirıbelerimen bólisip, erekshe bala tárbıelep otyrǵan ata-analarǵa qoldaý bildirdi