“بي بيلەيتىن ەمەس, وي ويلايتىن ۋاقىت”. ايماعامبەتوۆ ترەند قۋىپ, ريلس تۇسىرەتىن مۇعالىمدەردى سىنعا الدى

ءماجىلىس دەپۋتاتى اسحات ايماعامبەتوۆ  Adal Adam YouTube ارناسىنا سۇحبات بەرىپ, ترەند قۋىپ, ريلس تۇسىرەتىن مۇعالىمدەردى سىنعا الىپ, وقۋشى تاربيەسىنە قاتىستى ۇستانىمىن اشىپ ايتتى, دەپ جازادى Qandastar.kz

ء“وزىمنىڭ بالام مەكتەپتە وقيدى. رەسمي تۇردە مەكتەپكە “مەنىڭ بالام وقيتىن سىنىپتى ەشقانداي ريلسقا تۇسىرمەيسىزدەر” دەپ جازدىم. مەن وعان قارسىمىن. ولارعا رۇقسات ەتكەن جوقپىن. ويتكەنى ونىڭ بەينەسى ءوزىنىڭ جەكە قۇقىعى. بۇل ءبىزدىڭ ازاماتتىق كودەكستە بەكىتىلگەن. قازىرگى فەيك, ديپفەيك, جاساندى ينتەللەكت دامىعان زاماندا ادامنىڭ سۋرەتىن الىپ, ونى ءتۇرلى ماقساتتا پايدالانۋعا بولادى. سوندىقتان قازىر “date” دەپ اتالاتىن اقپارات وتە قۇندى. ول جاڭا مۇناي. ال ءبىز كەلەمىز دە بالالاردىڭ بەينەسىن, اقپاراتىن بۇكىل جەرگە “مىنا جەردە مەن مىنانى وتكىزىپ جاتىرمىن” دەپ سالىپ جىبەرەمىز. ءفورمالدى بولىپ كەتپەۋ كەرەك. بۇل جەردە بالانس بولۋى كەرەك. ەگەر بالالاردى جەلىگە جاريالاساڭ, ونداي دا جاعدايدار بولادى. كونكۋرستار بولادى جانە ت.ب. باسقا. بىرىنشىدەن, ونىڭ ءوزىنىڭ رۇقساتى بولۋى كەرەك. ەكىنشىدەن, ونىڭ ارتىندا نە تۇر? وندا قانداي تاۋەكەلدەر بار ەكەنىن سەن ءتۇسىنۋىڭ كەرەك. ۇشىنشىدەن, ونىڭ بارلىعى مىندەتتى ءفورمالدى بولماۋى كەرەك”,- دەدى اسحات ايماعامبەتوۆ.

ءماجىلىس دەپۋتاتىنىڭ ايتۋىنشا,  بي بيلەيتىن ەمەس, وي ويلايتىن زاماندا مۇعالىمدەر ريلس ءتۇسىرۋدى ەمەس, وقۋشىعا ونەگە كورسەتىپ, ءبىلىم بەرۋدى ءبىرىنشى ورىنعا قويۋ كەرەك.

“مىسالى, مەن ءوزىمنىڭ الەۋمەتتىك جەلىلەرىمدى ءوزىم جۇرگىزەمىن. سول ريلسقا مونتاج جاساپ, ونى كەسىپ, دۇرىستاپ سالۋعا قانشا ۋاقىت كەتەدى. ال مۇعالىمدەردىڭ ۋاقىتى ءبىرىنشى كەزەكتە قايدا جۇمسالۋى كەرەك? بالانى ۇيرەتۋ كەرەك. بالاعا ءبىلىم بەرۋ كەرەك. سوندىقتان بۇل جەردە مەنىڭ ويىمشا دۇرىس باعىتتى تابۋ كەرەك. بالالاردىڭ جۇرەگىڭ ارقالاي جاۋلاپ الۋعا بولادى. ءبىر تولقىندا بولامىن دەپ بالانىڭ ىستەگەنىن ىستەپ, قاسىندا سەكىرىپ جۇرسەڭ ودان ۇلكەن ابىروي تاۋىپ, سودان بالا اقىلدى بولىپ كەتىپ, سودان بالا سەنى تىڭدايدى دەگەن ماسەلەگە مەن تولىعىمەن كەلىسە المايمىن. ويتكەنى بىزدە پەداگوگيكا دەگەن عىلىم بار. بالامەن قالاي جۇمىس ىستەۋ كەرەك ونىڭ بارلىعى دا زەرتتەلگەن. مىنە, سول عىلىمي تۇجىرىمدامالاردىڭ شەڭبەرىندە جۇمىس ىستەسەڭ, بالاعا دۇرىس ءبىلىم بەرسەڭ, وعان موتيۆاتسيا بەرە ءبىلۋ قاجەت. ونىڭ بارلىعى زەرتتەلىپ, بىزدە ۋنيۆەرسيتەتتە بەرىلگەن. مەنىڭ ويىمشا, وسى جۇمىستى ساپالى ۇيىمداستىرۋ كەرەك. بىزدە مۇعالىمدەردىڭ ەتيكاسى بويىنشا ارنايى بۇيرىق بار. كەزىندە مەن وعان قول قويعانمىن. سول بۇيرىققا كەرەك بولاتىن بولسا بارلىق ماسەلەنى نەگىزى رەتتەۋگە بولادى. بىراق كوبىنەسە مينيسترلىكتىڭ رەتتەۋى عانا ەمەس, ءبىرىنشى كەزەكتە ىشكى رەتتەۋ بولۋى كەرەك. ىشكى قۇندىلىقتار, ىشكى مادەنيەت…مينيسترلىك قاشان بىزگە كەلىپ بىردەنەنى تۇزەپ بەرەدى دەپ ايتۋىمىزعا بولمايدى. مينيسترلىكتىڭ پروبلەمالارى ونسىز دا كوپ. الدىندا تۇرعان ۇلكەن ماقساتتارى بار. مينيسترلىك ءبىراز جۇمىس جاساپ جاتىر. ءبىز سونىڭ بارلىعىن مينيسترلىككە ىسىرىپ قويۋدى, ءبىر كىنالىنى تابۋدى جاقسى كورەمىز عوي. بىراق بۇل جەردە ىشكى مادەنيەت, ءوزىمىزدىڭ ىشكى تۇسىنىگىمىزگە بايلانىستى. ارينە ەگەر ول ريلستار مىڭداعان لايكتار جيناپ جاتسا ءبارى تۇسىنەدى. لايك جيناپ, ەشكىم وعان ءاي دەمەسە, قوي دەمەسە, باسقالارى دا سولاي بولۋى كەرەك ەكەن عوي دەپ, تانىمال بولايىق دەپ باسقالارى باستايدى. ەگەر ابايدىڭ قارا سوزدەرىن, ولەڭدەرىن ايتۋ كەرەك بولسا, وندا تۇرعان ەشنارسە جوق. ال باسقاسىن ءبىز كورىپ جاتىرمىز عوي… وعان مەن كەلىسىمىمدى بەرمەيمىن. بيلەمەيمىن. قازىر بىزدە بيلەيتىندەر كوپ. ءبارى بيلەپ جاتىر. شەتىنەن ءبيشى. توي تويلايتىن ەمەس, بي بيلەيتىن ەمەس, وي ويلايتىن ۋاقىت. پەداگوگيكا جاعىنان كوپ جۇمىس جۇرگىزۋىمىز كەرەك. ساپاسى, مازمۇنى جاعىنان… ارينە, سىزدەر ايتىپ وتىرعان ماسەلەلەردە تەز كوزگە تۇسەسىڭ, تەز كورسەتەسىڭ, ال مازمۇن بويىنشا جۇمىس ىستەسەڭ ونى تەز باعالامايدى. تەز كورىنبەيدى. بىراق ول وتە باعالى, وتە قۇندى”,- دەدى ءماجىلىس دەپۋتاتى.