“Bı bıleıtin emes, oı oılaıtyn ýaqyt”. Aımaǵambetov trend qýyp, rıls túsiretin muǵalimderdi synǵa aldy

Májilis depýtaty Ashat Aımaǵambetov  Adal Adam YouTube arnasyna suhbat berip, trend qýyp, rıls túsiretin muǵalimderdi synǵa alyp, oqýshy tárbıesine qatysty ustanymyn ashyp aıtty, dep jazady Qandastar.kz

“О́zimniń balam mektepte oqıdy. Resmı túrde mektepke “Meniń balam oqıtyn synypty eshqandaı rılsqa túsirmeısizder” dep jazdym. Men oǵan qarsymyn. Olarǵa ruqsat etken joqpyn. О́ıtkeni onyń beınesi óziniń jeke quqyǵy. Bul bizdiń Azamattyq kodekste bekitilgen. Qazirgi feık, dıpfeık, jasandy ıntellekt damyǵan zamanda adamnyń sýretin alyp, ony túrli maqsatta paıdalanýǵa bolady. Sondyqtan qazir “date” dep atalatyn aqparat óte qundy. Ol jańa munaı. Al biz kelemiz de balalardyń beınesin, aqparatyn búkil jerge “Myna jerde men mynany ótkizip jatyrmyn” dep salyp jiberemiz. Formaldi bolyp ketpeý kerek. Bul jerde balans bolýy kerek. Eger balalardy jelige jarııalasań, ondaı da jaǵdaıdar bolady. Konkýrstar bolady jáne t.b. basqa. Birinshiden, onyń óziniń ruqsaty bolýy kerek. Ekinshiden, onyń artynda ne tur? Onda qandaı táýekelder bar ekenin sen túsinýiń kerek. Úshinshiden, onyń barlyǵy mindetti formaldi bolmaýy kerek”,- dedi Ashat Aımaǵambetov.

Májilis depýtatynyń aıtýynsha,  bı bıleıtin emes, oı oılaıtyn zamanda muǵalimder rıls túsirýdi emes, oqýshyǵa ónege kórsetip, bilim berýdi birinshi orynǵa qoıý kerek.

“Mysaly, men ózimniń áleýmettik jelilerimdi ózim júrgizemin. Sol rılsqa montaj jasap, ony kesip, durystap salýǵa qansha ýaqyt ketedi. Al muǵalimderdiń ýaqyty birinshi kezekte qaıda jumsalýy kerek? Balany úıretý kerek. Balaǵa bilim berý kerek. Sondyqtan bul jerde meniń oıymsha durys baǵytty tabý kerek. Balalardyń júregiń árqalaı jaýlap alýǵa bolady. Bir tolqynda bolamyn dep balanyń istegenin istep, qasynda sekirip júrseń odan úlken abyroı taýyp, sodan bala aqyldy bolyp ketip, sodan bala seni tyńdaıdy degen máselege men tolyǵymen kelise almaımyn. О́ıtkeni bizde pedagogıka degen ǵylym bar. Balamen qalaı jumys isteý kerek onyń barlyǵy da zerttelgen. Mine, sol ǵylymı tujyrymdamalardyń sheńberinde jumys isteseń, balaǵa durys bilim berseń, oǵan motıvaııa bere bilý qajet. Onyń barlyǵy zerttelip, bizde ýnıversıtette berilgen. Meniń oıymsha, osy jumysty sapaly uıymdastyrý kerek. Bizde muǵalimderdiń etıkasy boıynsha arnaıy buıryq bar. Kezinde men oǵan qol qoıǵanmyn. Sol buıryqqa kerek bolatyn bolsa barlyq máseleni negizi retteýge bolady. Biraq kóbinese mınıstrliktiń retteýi ǵana emes, birinshi kezekte ishki retteý bolýy kerek. Ishki qundylyqtar, ishki mádenıet…Mınıstrlik qashan bizge kelip birdeneni túzep beredi dep aıtýymyzǵa bolmaıdy. Mınıstrliktiń problemalary onsyz da kóp. Aldynda turǵan úlken maqsattary bar. Mınıstrlik biraz jumys jasap jatyr. Biz sonyń barlyǵyn mınıstrlikke ysyryp qoıýdy, bir kinálini tabýdy jaqsy kóremiz ǵoı. Biraq bul jerde ishki mádenıet, ózimizdiń ishki túsinigimizge baılanysty. Árıne eger ol rılstar myńdaǵan laıktar jınap jatsa bári túsinedi. Laık jınap, eshkim oǵan áı demese, qoı demese, basqalary da solaı bolýy kerek eken ǵoı dep, tanymal bolaıyq dep basqalary bastaıdy. Eger Abaıdyń qara sózderin, óleńderin aıtý kerek bolsa, onda turǵan eshnárse joq. Al basqasyn biz kórip jatyrmyz ǵoı… Oǵan men kelisimimdi bermeımin. Bılemeımin. Qazir bizde bıleıtinder kóp. Bári bılep jatyr. Shetinen bıshi. Toı toılaıtyn emes, bı bıleıtin emes, oı oılaıtyn ýaqyt. Pedagogıka jaǵynan kóp jumys júrgizýimiz kerek. Sapasy, mazmuny jaǵynan… Árıne, sizder aıtyp otyrǵan máselelerde tez kózge túsesiń, tez kórsetesiń, al mazmun boıynsha jumys isteseń ony tez baǵalamaıdy. Tez kórinbeıdi. Biraq ol óte baǵaly, óte qundy”,- dedi Májilis depýtaty.