جاڭالىقتار
BI Group كومپانياسى كورپوراتيۆكە قاتىسپاعانى ءۇشىن قىزمەتكەرلەرىنىڭ جالاقىسىن ۇستاپ قالماق بولعان
قازاقستاندىق ايەل BI group كومپانياسى بەيرەسمي ۇجىمدىق شاراعا قاتىسپاعانداردىڭ جالاقىسىنان اقشا ۇستاپ قالاتىنىنا شاعىمداندى. سوزىنشە, كومپانيانىڭ 30 جىلدىعىنا وراي ۇيىمداستىرىلعان جيىنعا كەلمەگەندەرگە 256 مىڭ تەڭگە ايىپپۇل سالىنادى دەگەن. ول مۇنداي تالاپ ادىلەتسىز دەپ سانايدى. بۇل تۋرالى Qandastar.kz اقپارات پورتالى حابارلايدى.
«قۇرمەتتى BI group باسشىلىعى, كورپوراتيۆتىك كەشىڭىزگە قاتىسپاعان قىزمەتكەرلەردىڭ جالاقىسىن نەگە ۇستايسىز? 21 ماۋسىمدا بۋرابايدا 30 جىلدىق مەرەيتويعا وراي اۋقىمدى ءىس-شارانى جوسپارلاپ وتىرسىز. ەندى شارانىڭ تولىق قۇنىن قىزمەتكەردەن ۇستاپ قالعىڭىز كەلەدى», – دەپ جازدى gggg19767 اتتى قولدانۋشى.
ايەلدىڭ ايتۋىنشا, قىزمەتكەرلەر الاتىن جالاقى ونسىز دا از.
“ەڭ الدىمەن, كىم قاتىسادى نە قاتىسپايتىنىن انىقتاپ الۋ ءۇشىن ساۋالناما جاساۋلارىڭىز كەرەك ەدى. سوڭىنا كەلگەندە تالاپ قويىپ, ايىپپۇلمەن قورقىتۋدىڭ ورنىنا سول دۇرىس. ءبىزدىڭ ءوز جوسپارلارىمىز بولۋى مۇمكىن عوي», – دەدى ول.
سونداي-اق كومپانيا جۇمىسشىلارىن سەنبىلىككە شىعارىپ, تازالىق جۇمىسىن جاساتاتىنىن اتاپ ءوتتى.
«نەگە قىزمەتكەرلەرىڭىز جايلى مەكتەپ سالىپ جاتقاندا, قوقىستى تازالاۋ كەرەك? بۇل ءۇشىن ارنايى ادامدار بار. سوندا كومپانيا كلينينگ شاقىرتا الماي ما? جۇمىسشىلاردى تازالىق جۇمىسىن اتقارۋعا ماجبۇرلەيدى, ولاردى تۇنگى 1-2-گە دەيىن قالدىرادى. باستىق پەن اكىم كەلەدى دەپ جيناتىپ قويادى. ەڭبەك شارتىندا ونداي تالاپ بارى ەكىتالاي», – دەدى پوست اۆتورى.
