BI Group kompanııasy korporatıvke qatyspaǵany úshin qyzmetkerleriniń jalaqysyn ustap qalmaq bolǵan

Qazaqstandyq áıel BI group kompanııasy beıresmı ujymdyq sharaǵa qatyspaǵandardyń jalaqysynan aqsha ustap qalatynyna shaǵymdandy. Sózinshe, kompanııanyń 30 jyldyǵyna oraı uıymdastyrylǵan jıynǵa kelmegenderge 256 myń teńge aıyppul salynady degen. Ol mundaı talap ádiletsiz dep sanaıdy. Bul týraly Qandastar.kz aqparat portaly habarlaıdy.

«Qurmetti BI group basshylyǵy, korporatıvtik keshińizge qatyspaǵan qyzmetkerlerdiń jalaqysyn nege ustaısyz? 21 maýsymda Býrabaıda 30 jyldyq mereıtoıǵa oraı aýqymdy is-sharany josparlap otyrsyz. Endi sharanyń tolyq qunyn qyzmetkerden ustap qalǵyńyz keledi», – dep jazdy gggg19767 atty qoldanýshy.

Áıeldiń aıtýynsha, qyzmetkerler alatyn jalaqy onsyz da az.

“Eń aldymen, kim qatysady ne qatyspaıtynyn anyqtap alý úshin saýalnama jasaýlaryńyz kerek edi. Sońyna kelgende talap qoıyp, aıyppulmen qorqytýdyń ornyna sol durys. Bizdiń óz josparlarymyz bolýy múmkin ǵoı», – dedi ol.

Sondaı-aq kompanııa jumysshylaryn senbilikke shyǵaryp, tazalyq jumysyn jasatatynyn atap ótti.

«Nege qyzmetkerlerińiz jaıly mektep salyp jatqanda, qoqysty tazalaý kerek? Bul úshin arnaıy adamdar bar. Sonda kompanııa klınıng shaqyrta almaı ma? Jumysshylardy tazalyq jumysyn atqarýǵa májbúrleıdi, olardy túngi 1-2-ge deıin qaldyrady. Bastyq pen ákim keledi dep jınatyp qoıady. Eńbek shartynda ondaı talap bary ekitalaı», – dedi post avtory.