Bıbigúl Tólegenova 95 jasyn sahnada atap ótti

Foto: mınıstrlik

«Astana Opera» teatry sahnasynda ataqty óner qaıratkerleri bas qosyp, ańyzǵa aınalǵan ánshi Bıbigúl Tólegenovany mereıtoıymen quttyqtady, dep jazady qandastar.kz

QR Mádenıet jáne aqparat mınıstrliginiń qoldaýymen uıymdastyrylǵan konertke Shahımardan Ábilov, Aıgúl Úlkenbaeva, Alfııa Karımova, sonymen qatar Zarına Altynbaeva, Tolqyn Zabırova, Samal Báıseıitova, Aızada Omarova jáne Nurǵalym Amanbaı syndy kóptegen tanymal ártister qatysty.

Kesh Ahmet Jubanov pen Latıf Hamıdıdiń «Abaı» operasynan «Toıbastar» jarqyn kórinisimen bastaldy. B.Tólegenova baıqaýynyń laýreattary Rasýl Jarmaǵambetov pen Tatıana Vıınskaıa, «Astana Opera» hory, orkestri men balet trýppasy dırıjer, «Qurmet» ordeniniń kavaleri Rýslan Baımýrzınniń jetekshiligimen búkil konertke merekelik shyraı qosty.

Sondaı-aq Qazaqstannyń eńbek sińirgen qaıratkeri Nurlan О́nerbaevtyń mánerlep oqýyndaǵy Farıza Ońǵarsynovanyń «Bıbigúl – án» óleńi keshtiń kórkine aınaldy. Mereıtoı ıesiniń shákirti, Qazaqstannyń eńbek sińirgen qaıratkeri Tolqyn Zabırovanyń oryndaýyndaǵy Latıf Hamıdıdiń «Bulbul» áıgili áni barsha halyqtyń súıispenshiligi retinde qabyldandy. Bul án B.Tólegenova shyǵarmashylyǵynda áldeqashan beıresmı sımvolǵa aınalǵan edi.

«Ata tolǵaýy» qazaq bıin oryndaǵan «Astana Balet» trýppasy erekshe syı-sııapat jasady. Kórermender «Forte Trio» aspaptyq ansambliniń oryndaýyndaǵy qazaq ánderinen popýrrıdi de yqylaspen qabyldady.