بيبىگۇل تولەگەنوۆا قايرات نۇرتاس پەن ديماشتى سالىستىردى

فوتو: Almaty.tv

حالىق ءارتىسى, ءان ونەرىنىڭ بيىگىن باعىندىرعان بيبىگۇل تولەگەنوۆا Kazinform.kz اقپارات اگەنتتىگىنە سۇحبات بەردى. ابزال انا ءوز سۇحباتىندا ديماش قۇدايبەرگەن مەن قايرات نۇرتاسقا قاتىستى كوزقاراسىن شەگەلەپ ايتتى, دەپ جازدى qandastar.kz

بيبىگۇل تولەگەنوۆا ديماش قۇدايبەرگەنگە وڭ باعاسىن بەرىپ, ونەرىن قۇرمەتتەۋ قاجەت ەكەنىن اتاپ وتكەن.

«مەن, بىرىنشىدەن, ديماش قۇدايبەرگەنگە مىڭ دا ءبىر راقمەت ايتامىن. بۇكىل جەر ءجۇزىن اۋزىنا قاراتقان, قازاق ۇنىنە تەلمىرتكەن ادامعا باس ءيۋىمىز كەرەك. جاس بولسا دا بىزدەن جولى ۇلكەن. ەشبىر ءانشىمىز ءدال ونداي جەتىستىككە جەتىپ كورگەن جوق. ويتكەنى ديماشتىڭ ءوزىنىڭ حاريزماسى بار. ساحناعا شىققاندا وتە ءبىر قۋاتتى ەنەرگياسى بار. ول ايتاتىن اندەردىڭ ءمانىن ءتۇسىنۋ ءۇشىن تابىنۋشىلارى قازاقتىڭ ءتىلىن ۇيرەنىپ جاتىر. سونىڭ ءوزى ۇلكەن دارەجە عوي. بىردە ماعان ءبىر ءوزىڭ سياقتى ءتىلشى كەلىپ قايرات نۇرتاس دەگەن ءانشى مەن ديماشتىڭ قايسىسى شىن ونەرپاز دەگەن سۇراق قويدى. مەن وعان ديماش ءانشى, ال قايرات سياقتىلار ورىنداۋشى ەكەنىن ايتتىم. جۋرناليست ديماشتى ساناۋلى ادام تىڭدايتىنىن, ال قايرات نۇرتاستىڭ انىنە بۇكىل جاستار بيلەيتىنىن ايتىپ قارسى ءۋاج كەلتىردى. ديماش پەن ەسترادادا جۇرگەن قايراتتاردىڭ اراسى جەر مەن كوكتەي دەدىم. ديماش – كوكتە, قايرات سياقتىلار جەردە», – دەيدى ءانشى.