Bıbigúl Tólegenova Qaırat Nurtas pen Dımashty salystyrdy

Foto: Almaty.tv

Halyq ártisi, án óneriniń bıigin baǵyndyrǵan Bıbigúl Tólegenova Kazinform.kz aqparat agenttigine suhbat berdi. Abzal ana óz suhbatynda Dımash Qudaıbergen men Qaırat Nurtasqa qatysty kózqarasyn shegelep aıtty, dep jazdy qandastar.kz

Bıbigúl Tólegenova Dımash Qudaıbergenge oń baǵasyn berip, ónerin qurmetteý qajet ekenin atap ótken.

«Men, birinshiden, Dımash Qudaıbergenge myń da bir raqmet aıtamyn. Búkil jer júzin aýzyna qaratqan, qazaq únine telmirtken adamǵa bas ııýimiz kerek. Jas bolsa da bizden joly úlken. Eshbir ánshimiz dál ondaı jetistikke jetip kórgen joq. О́ıtkeni Dımashtyń óziniń harızmasy bar. Sahnaǵa shyqqanda óte bir qýatty energııasy bar. Ol aıtatyn ánderdiń mánin túsiný úshin tabynýshylary qazaqtyń tilin úırenip jatyr. Sonyń ózi úlken dáreje ǵoı. Birde maǵan bir óziń sııaqty tilshi kelip Qaırat Nurtas degen ánshi men Dımashtyń qaısysy shyn ónerpaz degen suraq qoıdy. Men oǵan Dımash ánshi, al Qaırat sııaqtylar oryndaýshy ekenin aıttym. Jýrnalıst Dımashty sanaýly adam tyńdaıtynyn, al Qaırat Nurtastyń ánine búkil jastar bıleıtinin aıtyp qarsy ýáj keltirdi. Dımash pen estradada júrgen Qaırattardyń arasy jer men kókteı dedim. Dımash – kókte, Qaırat sııaqtylar jerde», – deıdi ánshi.