جاڭالىقتار
بيىك ءۇيدىڭ تەرەزەسىندە بيلەگەن قىز قۇلاپ كەتتى
فوتو: بەينەجازبادان الىنعان كادر.
الماتىدا بيىك ءۇيدىڭ تەرەزەسىندە بيلەپ تۇرعان بويجەتكەن قۇلاپ كەتتى, دەپ حابارلايدى qandastar.kz سايتى.
قايعىلى وقيعا 26 ماۋسىم كۇنى تاڭعى ۋاقىتتا تەرەمكە تۇرعىن ءۇي كەشەنىندە بولعان. جەلىدە تاراعان ۆيدەودان قىزدىڭ كوپقاباتتى ءۇيدىڭ تەرەزەسىنەن شىعىپ, ەرسى قيمىلدار جاساپ, بيلەگەنىڭ كورىندى. ونى كورگەن كورشىلەر وعان “قۇلاپ قالاسىڭ” دەپ ەسكەرتۋ جاسايدى. كۋاگەرلەردىڭ ايتۋىنشا, ول التىنشى قاباتتان قۇلاعان.
پوليتسيا ونىڭ جوعارعى قاباتتان قۇلاپ مەرت بولعانىن حابارلادى. ءوز-وزىنە قول جۇمساۋ دەرەگى بويىنشا قىلمىستىق ءىس قوزعالدى. وقيعانىڭ ءمان-جايى انىقتالىپ جاتىر.
