«بيلەتتەردى ءوز اتىنا ساتىپ الماعان»: پوليتسيا الماتى اۋەجايىندا وزىنە ءورت قويعان ادامنىڭ ايەلىنەن جاۋاپ الدى

فوتو: ۆيدەودان سكرين

پوليتسيا 25 تامىز كۇنى الماتى اۋەجايىندا ءوزىن ورتەپ جىبەرگەن ەر ادامنىڭ ايەلىنەن جاۋاپ الدى, دەپ جازدى qandastar.kz

الدىن الا مالىمەت بويىنشا, وقيعانىڭ سەبەبى وتباسىلىق جانجال بولعان. بۇل تۋرالى Stan.kz اقپارات اگەنتتىگى حابارلايدى.

الماتى اۋەجايىنىڭ جەلىلىك پوليتسيا ءبولىمىنىڭ باستىعى رۋسلان قوزىباقوۆ تەرگەۋ بارىسىندا ەر ادام بيلەتكە بولا ءوزىن ورتەگەن بولۋى مۇمكىن دەگەن نۇسقا دا قاراستىرىلعانىن ايتتى. الايدا بۇل اقپارات راستالمادى.

“قازىر ءبىز قوسىمشا تەرگەۋ جۇرگىزەمىز. وندا ونىڭ رەيسكە كەشىگىپ قالعان-قالماعانىن انىقتايمىز. بىراق بيلەتتەردى ءوز اتىنا ساتىپ الماعان”, — دەدى ول جۋرناليستەرگە بەرگەن جاۋابىندا.

پوليتسيانىڭ ناقتىلاۋىنشا, ەر ادامنىڭ ءوز-ءوزىن ورتەۋى مۇمكىن ەكەنى تۋرالى قوڭىراۋ اۋە اگەنتتىگىنىڭ كاسسيرى دابىل تۇيمەسىن باسقاننان كەيىن ديسپەتچەردەن تۇسكەن. وقيعا ورنىنا جەلىلىك پوليتسيا قىزمەتكەرلەرى مەن اۆياتسيالىق قاۋىپسىزدىك قىزمەتى كەلگەن.

“قىزمەتكەرلەر ءورت سوندىرگىشتەرمەن جابدىقتالدى. ودان كەيىنگى جاعدايدى سىزدەر ۆيدەودان كوردىڭىزدەر. ولار ءورتتى وقشاۋلاپ, ادامدى امان الىپ قالدى”, — دەدى رۋسلان قوزىباقوۆ.

تەرگەۋ اياسىندا بەينەباقىلاۋ كامەرالارىنىڭ جازبالارى سۇراتىلىپ, ەر ادامنىڭ اۋەجايعا قاشان كەلگەنى جانە جانعىش سۇيىقتىقتى قانداي جولمەن الىپ وتكەنىن انىقتاۋ جوسپارلانىپ وتىر.

قىلمىستىق كودەكستىڭ 105-بابى ء(وزiن-ءوزi ولتiرۋگە دەيiن جەتكiزۋ) بويىنشا قىلمىستىق ءىس قوزعالدى.