«Bıletterdi óz atyna satyp almaǵan»: Polıııa Almaty áýejaıynda ózine órt qoıǵan adamnyń áıelinen jaýap aldy

Foto: Vıdeodan skrın

Polıııa 25 tamyz kúni Almaty áýejaıynda ózin órtep jibergen er adamnyń áıelinen jaýap aldy, dep jazdy qandastar.kz

Aldyn ala málimet boıynsha, oqıǵanyń sebebi otbasylyq janjal bolǵan. Bul týraly Stan.kz aqparat agenttigi habarlaıdy.

Almaty áýejaıynyń jelilik polıııa bóliminiń bastyǵy Rýslan Qozybaqov tergeý barysynda er adam bıletke bola ózin órtegen bolýy múmkin degen nusqa da qarastyrylǵanyn aıtty. Alaıda bul aqparat rastalmady.

“Qazir biz qosymsha tergeý júrgizemiz. Onda onyń reıske keshigip qalǵan-qalmaǵanyn anyqtaımyz. Biraq bıletterdi óz atyna satyp almaǵan”, — dedi ol jýrnalısterge bergen jaýabynda.

Polıııanyń naqtylaýynsha, er adamnyń óz-ózin órteýi múmkin ekeni týraly qońyraý áýe agenttiginiń kassıri dabyl túımesin basqannan keıin dıspetcherden túsken. Oqıǵa ornyna jelilik polıııa qyzmetkerleri men avıaııalyq qaýipsizdik qyzmeti kelgen.

“Qyzmetkerler órt sóndirgishtermen jabdyqtaldy. Odan keıingi jaǵdaıdy sizder vıdeodan kórdińizder. Olar órtti oqshaýlap, adamdy aman alyp qaldy”, — dedi Rýslan Qozybaqov.

Tergeý aıasynda beınebaqylaý kameralarynyń jazbalary suratylyp, er adamnyń áýejaıǵa qashan kelgeni jáne janǵysh suıyqtyqty qandaı jolmen alyp ótkenin anyqtaý josparlanyp otyr.

Qylmystyq kodekstiń 105-baby (О́zin-ózi óltirýge deıin jetkizý) boıynsha qylmystyq is qozǵaldy.