بيلىكتەن كومەك سۇرايمىن: بيزنەسمەن قازاقستانداعى كولىكتى تىركەۋدىڭ سۇر سحەماسىنان زارداپ شەككەنىن ايتتى

فوتو: اشىق دەرەككوز

كاسىپكەر ازات بولاتوۆ قازاقستاننىڭ وڭتۇستىگىندە كولىكتەردى زاڭسىز قايتا تىركەۋ مۇمكىندىگى بارىن ايتتى, دەپ حابارلايدى qandastar.kz kaztag.kz  تىلشىسىنە سىلتەمە جاساپ.

«مەن ازات بولاتوۆ, قازاقستان رەسپۋبليكاسىنىڭ ازاماتىمىن, جەكە كاسىپكەرلىكپەن اينالىسامىن, كولىكتەردى جالعا بەرەمىن. قازاقستان رەسپۋبليكاسىنىڭ سىبايلاس جەمقورلىققا قارسى ءىس-قيمىل اگەنتتىگى مەن قارجى مونيتورينگى اگەنتتىگىنىڭ – وزىمە قاتىستى قىلمىستىق ءىستى تەرگەۋگە ارالاسۋىن جانە ونى ەرەكشە باقىلاۋعا الۋىن سۇراۋعا ءماجبۇرمىن”,- دەدى بولاتوۆ پرەزيدەنت قاسىم-جومارت توقاەۆقا, سونداي-اق پرەمەر-مينيستر ولجاس بەكتەنوۆكە, باس پروكۋرور بەرىك اسىلوۆقا جانە ىشكى ىستەر ءمينيسترى ەرجان سادەنوۆكە ۇندەۋ جولداپ.

ول قىلمىستىق ءىستى جامبىل وبلىسىنىڭ ءىىد تەرگەپ جاتقانىن ءتۇسىندىردى.

«2024 جىلدىڭ ماۋسىم ايىندا مەنىڭ مۇلكىمدى, ونىڭ ىشىندە سەگىز اۆتوكولىگىمدى يەمدەنگەن ءبىر توپ ادامداردىڭ الاياقتىعىنىڭ قۇربانى بولدىم.

ۇرلانعان سەگىز كولىكتىڭ ىشىنەن جالعان نومىرمەن ءجۇرىپ كەلە جاتقان ەكى كولىكتى ءوز بەتىمشە تاپتىم, ولاردىڭ بىرەۋىنىڭ VIN كودى بۇزىلعان جانە شىمكەنت قالاسىنداعى اۆتوكولىكتەرگە قىزمەت كورسەتۋ ورتالىعىندا زاڭسىز تىركەلگەن. بۇل الاياقتاردىڭ قۇقىق قورعاۋ ورگاندارىندا جانە اۆتوسەرۆيس ورتالىقتارىندا قولداۋشىلارى بارىن بايقاتادى. ويتكەنى ولار قازاقستان رەسپۋبليكاسىنىڭ ەشبىر زاڭىنان قورىقپاي, جازاسىز قالمايتىنىنا ەرەكشە سەنىممەن قىلمىسقا بارىپ وتىر. ولاردى جامبىل وبلىسى ءىىد پوليتسيا قىزمەتكەرلەرىنە جاۋاپ الۋعا شاقىرعان. بىراق ولار پوليتسيا قىزمەتكەرلەرىنىڭ جاۋاپ الۋ حاتتامالارى بولسا دا, ۇستالماي, بوستاندىقتا ءجۇر», – دەدى كاسىپكەر.

كاسىپكەر ەل باسشىلىعىنان جاعدايعا ارالاسىپ, قىلمىستىق ءىستىڭ وبەكتيۆتى جانە زاڭدى تۇردە تەرگەلۋىن قامتاماسىز ەتۋدى سۇرايدى. ءبىر توپ ادامنىڭ زاڭسىز ارەكەتىنىڭ سالدارىنان قازىر ول بارلىق سەگىز كولىكتىڭ نەسيەسىن تولەۋگە ءماجبۇر. كاسىپكەر وتباسىندا جالعىز اسىراۋشى جانە ەكى بالا مەن ءىى توپتاعى مۇگەدەك قارت اتا-اناسىن قارايلاپ وتىر. سويتە تۇرا وتباسىمەن بىرگە تۇرعان جالعىز ءۇيدى ساتۋىنا تۋرا كەلگەنىن العا تارتتى.

“پرەمەر-مينيستر  كولىكتەردى تىركەۋدىڭ كولەڭكەلى سحەمالارىمەن اينالىسۋدى تاپسىرعانىن اتاپ وتكىم كەلەدى. بۇل ءىستى ەرەكشە باقىلاۋعا الۋدى سۇرايمىن, ويتكەنى بۇل ادامداردىڭ ە وسىعان ۇقساس قىلمىستارعا قاتىسى بولۋى مۇمكىن», – دەپ تۇيىندەدى بولاتوۆ.

ايتا كەتۋ قاجەت, بۇعان دەيىن رەسەيلىك بلوگەر ماكسيم شەلكوۆ يۋتۋب بلوگىندا وسىنداي قيتۇرلىقتىڭ كەسىرىنەن جۇزدەگەن ادام جاپا شەككەنىن جەتكىزدى.

“ قازاقستاننان اكەلىنگەن اۆتوكولىكتەرگە قاتىستى اۆتوالاياقتىق سحەماسىن انىقتادىم. سانكت-پەتەربۋرگ تۇرعىندارى رەسەيدە ءبىر جىل بولعان Hyundai Sonata اۆتوكولىگىن 3 285 000 رۋبلگە ساتىپ الىپ, ەپتس جازىپ, كولىكتى جول پوليتسياسىندا تىركەگەن. كولىك الدى, تىركەدى, ءبارى جاقسى بولعان.

التى ايدان كەيىن قۇجاتتارداعى جانە جول پوليتسياسىنىڭ دەرەكتەر بازاسىندا ەسىمىن وزگەرتۋ قاجەت بولعان. ولار جول پوليتسياسى بولىمىنە جەتكەن, بىراق ولارعا كولىكتىڭ ىزدەۋدە ەكەنى, ناقتى قازاقستان كولىكتى ىزدەپ جاتقانى تۋرالى حابارلانعان. قازاقستانداعى Hyundai Sonata كولىگىنىڭ يەسىمەن حابارلاسۋدىڭ ءساتى تۇسكەندە ول كولىگىنىڭ ۇرلانعانىن راستادى. بىراق ءىس جۇزىندە جاعداي الدەقايدا كۇردەلى بولىپ شىقتى, جابىرلەنۋشىلەردىڭ سانى دا تاڭقالارلىق. قازاقستاندىقتار كولىكتى نەسيەگە راسىمدەگەن,ال سول كولىكتەر رەسەيدە زاڭسىز قۇجاتپەن راسىمدەلگەن. مۇنداي سحەمانى ءبىر ادام جاساۋى مۇمكىن ەمەس”, – دەدى بلوگەر.