Bılikten kómek suraımyn: Bıznesmen Qazaqstandaǵy kólikti tirkeýdiń sur shemasynan zardap shekkenin aıtty

Foto: Ashyq derekkóz

Kásipker Azat Bolatov Qazaqstannyń ońtústiginde kólikterdi zańsyz qaıta tirkeý múmkindigi baryn aıtty, dep habarlaıdy qandastar.kz kaztag.kz  tilshisine silteme jasap.

«Men Azat Bolatov, Qazaqstan Respýblıkasynyń azamatymyn, jeke kásipkerlikpen aınalysamyn, kólikterdi jalǵa beremin. Qazaqstan Respýblıkasynyń Sybaılas jemqorlyqqa qarsy is-qımyl agenttigi men Qarjy monıtorıngi agenttiginiń – ózime qatysty qylmystyq isti tergeýge aralasýyn jáne ony erekshe baqylaýǵa alýyn suraýǵa májbúrmin”,- dedi Bolatov Prezıdent Qasym-Jomart Toqaevqa, sondaı-aq Premer-Mınıstr Oljas Bektenovke, Bas prokýror Berik Asylovqa jáne Ishki ister mınıstri Erjan Sádenovke úndeý joldap.

Ol qylmystyq isti Jambyl oblysynyń IID tergep jatqanyn túsindirdi.

«2024 jyldyń maýsym aıynda meniń múlkimdi, onyń ishinde segiz avtokóligimdi ıemdengen bir top adamdardyń alaıaqtyǵynyń qurbany boldym.

Urlanǵan segiz kóliktiń ishinen jalǵan nómirmen júrip kele jatqan eki kólikti óz betimshe taptym, olardyń bireýiniń VIN kody buzylǵan jáne Shymkent qalasyndaǵy avtokólikterge qyzmet kórsetý ortalyǵynda zańsyz tirkelgen. Bul alaıaqtardyń quqyq qorǵaý organdarynda jáne avtoservıs ortalyqtarynda qoldaýshylary baryn baıqatady. О́ıtkeni olar Qazaqstan Respýblıkasynyń eshbir zańynan qoryqpaı, jazasyz qalmaıtynyna erekshe senimmen qylmysqa baryp otyr. Olardy Jambyl oblysy IID polıııa qyzmetkerlerine jaýap alýǵa shaqyrǵan. Biraq olar polıııa qyzmetkerleriniń jaýap alý hattamalary bolsa da, ustalmaı, bostandyqta júr», – dedi kásipker.

Kásipker el basshylyǵynan jaǵdaıǵa aralasyp, qylmystyq istiń obektıvti jáne zańdy túrde tergelýin qamtamasyz etýdi suraıdy. Bir top adamnyń zańsyz áreketiniń saldarynan qazir ol barlyq segiz kóliktiń nesıesin tóleýge májbúr. Kásipker otbasynda jalǵyz asyraýshy jáne eki bala men II toptaǵy múgedek qart ata-anasyn qaraılap otyr. Sóıte tura otbasymen birge turǵan jalǵyz úıdi satýyna týra kelgenin alǵa tartty.

“Premer-Mınıstr  kólikterdi tirkeýdiń kóleńkeli shemalarymen aınalysýdy tapsyrǵanyn atap ótkim keledi. Bul isti erekshe baqylaýǵa alýdy suraımyn, óıtkeni bul adamdardyń e osyǵan uqsas qylmystarǵa qatysy bolýy múmkin», – dep túıindedi Bolatov.

Aıta ketý qajet, buǵan deıin reseılik bloger Maksım Shelkov ıýtýb blogynda osyndaı qıturlyqtyń kesirinen júzdegen adam japa shekkenin jetkizdi.

“ Qazaqstannan ákelingen avtokólikterge qatysty avtoalaıaqtyq shemasyn anyqtadym. Sankt-Peterbýrg turǵyndary Reseıde bir jyl bolǵan Hyundai Sonata avtokóligin 3 285 000 rýblge satyp alyp, EPTS jazyp, kólikti jol polıııasynda tirkegen. Kólik aldy, tirkedi, bári jaqsy bolǵan.

Alty aıdan keıin qujattardaǵy jáne jol polıııasynyń derekter bazasynda esimin ózgertý qajet bolǵan. Olar jol polıııasy bólimine jetken, biraq olarǵa kóliktiń izdeýde ekeni, naqty Qazaqstan kólikti izdep jatqany týraly habarlanǵan. Qazaqstandaǵy Hyundai Sonata kóliginiń ıesimen habarlasýdyń sáti túskende ol kóliginiń urlanǵanyn rastady. Biraq is júzinde jaǵdaı áldeqaıda kúrdeli bolyp shyqty, jábirlenýshilerdiń sany da tańqalarlyq. Qazaqstandyqtar kólikti nesıege rásimdegen,al sol kólikter Reseıde zańsyz qujatpen rásimdelgen. Mundaı shemany bir adam jasaýy múmkin emes”, – dedi bloger.