Bilim berý uıymdary basshylary men olardyń orynbasarlarynyń jalaqysy qaıta qaralatyn bolady – mınıstr

Jıyn barysynda orta bilim berýdiń ózekti máseleleri men ozyq tájirıbeni taratýǵa arnalǵan «Zamanaýı mektepti basqarý: trendter men bolashaq» taqyrybynda semınar uıymdastyryldy. Dıalog alańynda basshylarǵa bilim berý sapasyn arttyrý baǵytynda memleket tarapynan atqarylyp jatqan mindetter men sharalar týraly aıtyldy. Atap aıtqanda, balalardyń qaýipsizdigin qamtamasyz etý, jaıly orta qurý, ıfrlandyrý, tıimdi tárbıe jumysyn uıymdastyrý, ınklıýzıvti bilim berý jáne t.b. máseleler sóz boldy. Budan keıin kezdesý TEDx formatynda jalǵasty. Oǵan Oqý-aǵartý mınıstri Ǵanı Beısembaev qatysyp, otandyq bilim berý júıesin damytýdyń negizgi baǵyttaryna toqtaldy.

Pedagogterdi kásibı damytý júıesi túbegeıli ózgerip jatyr. Qazirgi tájirıbeli top-menedjerler «Bolashaq» baǵdarlamasy boıynsha shetelge taǵylymdamadan ótýge jiberiletin bolady. Pedagogterdi qoldaý sharalary jalǵasady. Osy jyldan bastap bilim berý qyzmetkerlerin kótermeleý júıesi, sondaı-aq bilim berý uıymdary basshylary men olardyń orynbasarlarynyń jalaqysy qaıta qaralatyn bolady, – dedi mınıstr.

Kezdesýge barlyǵy 800-ge jýyq mektep, bilim bólimderi men basqarmalarynyń basshylary qatysty. Kúni boıy olar menedjerdiń basqarý quzyretteri, kadrlyq áleýetti damytý, NQA qabyldaıtyn jáne bilim berý salasyndaǵy mańyzdy basymdyqtar boıynsha tájirıbe almasyp, bilim aldy.

Eske sala ketsek, bul – mektep dırektorlarymen ótken qorytyndy kezdesý. Bundaı basqosýlar buǵan deıin elimizdiń batys, soltústik, shyǵys jáne ońtústik óńirlerinde ótken bolatyn.