جاڭالىقتار
ءبىلىم بەرۋ ۇيىمدارىندا جاڭا تاماقتانۋ رەگلامەنتى ەنگىزىلەدى
فوتو: اشىق دەرەككوز
ءبىلىم بەرۋ ۇيىمدارىندا كوكونىستەر, جەمىستەر مەن ءسۇت ونىمدەرىن تۇتىنۋدى ارتتىرۋدى كوزدەيتىن جاڭا تاماقتانۋ ستاندارتى ەنگىزىلەدى, دەپ جازدى qandastar.kz
2025 جىلدىڭ 1 قىركۇيەگىنەن باستاپ ءبىلىم بەرۋ ۇيىمدارىندا جاڭا تاماقتانۋ ستاندارتى ەنگىزىلەدى. بۇل تۋرالى دەنساۋلىق ساقتاۋ ءمينيسترى اقمارال ءالنازاروۆا ۇكىمەت وتىرىسىندا ايتى.
ستاندارت دۇرىس تاماقتانۋعا قويلاتىن زاماناۋي حالىقارالىق تالاپتاردى ەسكەرە وتىرىپ ازىرلەنگەن جانە قانتتى تۇتىنۋدى 3,6 ەسەگە دەيىن, تۇزدى 5 ەسەگە دەيىن ازايتۋدى, سونداي-اق كوكونىستەر, جەمىستەر مەن ءسۇت ونىمدەرىن تۇتىنۋدى ارتتىرۋدى كوزدەيدى.
ستاندارتتا سونداي-اق شاعىن جيناقتى مەكتەپتەردە, بۋفەتتەردە تاماقتانۋدى ۇيىمداستىرۋعا جانە ارنايى ديەتالىق قاجەتتىلىكتەرى بار بالالاردىڭ تاماقتانۋىنا قويىلاتىن تالاپتار قامتىلعان.
العاش رەت «جەۋگە جارامسىزدىق يندەكسى» ەنگىزىلدى. ول بالالاردىڭ تاماقتانۋعا قاناعاتتانۋ دەڭگەيىن انىقتاۋ جانە مەكتەپتە تاماقتانۋدى ۇيىمداستىرۋ جۇيەسىنىڭ تيىمدىلىگىن باعالاۋ ءۇشىن قاجەت.
«تاماقتانۋ ستاندارتىن ىسكە اسىرۋ اياسىندا بىرنەشە نۇسقادا مەكتەپتە تاماقتانۋعا ارنالعان ۇلگىلىك ستاندارتتى اس ءمازىرى ازىرلەندى, العاش رەت ىستىق تاعام ازىرلەۋگە مۇمكىندىگى جوق شاعىن جيناقتى مەكتەپتەرگە ارنالعان ءمازىر جاسالدى», — دەدى اقمارال ءالنازاروۆا.
