Bilim berý uıymdarynda jańa tamaqtaný reglamenti engiziledi

Foto: ashyq derekkóz

Bilim berý uıymdarynda kókónister, jemister men sút ónimderin tutynýdy arttyrýdy kózdeıtin jańa Tamaqtaný standarty engiziledi, dep jazdy qandastar.kz

2025 jyldyń 1 qyrkúıeginen bastap bilim berý uıymdarynda jańa Tamaqtaný standarty engiziledi. Bul týraly densaýlyq saqtaý mınıstri Aqmaral Álnazarova Úkimet otyrysynda aıty.

Standart durys tamaqtanýǵa qoılatyn zamanaýı halyqaralyq talaptardy eskere otyryp ázirlengen jáne qantty tutynýdy 3,6 esege deıin, tuzdy 5 esege deıin azaıtýdy, sondaı-aq kókónister, jemister men sút ónimderin tutynýdy arttyrýdy kózdeıdi.

Standartta sondaı-aq shaǵyn jınaqty mektepterde, býfetterde tamaqtanýdy uıymdastyrýǵa jáne arnaıy dıetalyq qajettilikteri bar balalardyń tamaqtanýyna qoıylatyn talaptar qamtylǵan.

Alǵash ret «Jeýge jaramsyzdyq ındeksi» engizildi. Ol balalardyń tamaqtanýǵa qanaǵattaný deńgeıin anyqtaý jáne mektepte tamaqtanýdy uıymdastyrý júıesiniń tıimdiligin baǵalaý úshin qajet.

«Tamaqtaný standartyn iske asyrý aıasynda birneshe nusqada mektepte tamaqtanýǵa arnalǵan úlgilik standartty as máziri ázirlendi, alǵash ret ystyq taǵam ázirleýge múmkindigi joq shaǵyn jınaqty mektepterge arnalǵan mázir jasaldy», — dedi Aqmaral Álnazarova.