ءبىلىم
ءبىلىم ءبولىمى قىزمەتكەرلەرى مەملەكەتتىڭ 4 ملرد تەڭگەسىن جەگەن
فوتو: ايكىن. كز
تۇركىستان وبلىسى پروكۋراتۋراسى جەتىساي اۋدانىنىڭ ءبىلىم ءبولىمىنىڭ قىزمەتكەرلەرىنە قاتىستى مەملەكەتتىك قاراجاتتى اسا ءىرى مولشەردە جىمقىرۋ فاكتىسى بويىنشا سوتقا دەيىنگى تەرگەپ-تەكسەرۋدى جالعاستىرىپ جاتىر, دەپ حابارلايدى Malim.kz.
تەرگەۋ بارىسىندا اۋداندىق ءبىلىم ءبولىمىنىڭ باسشىلىعى مەن ەسەپشىلەرى وزدەرىنىڭ, سونداي-اق, تۋىستارى مەن تانىستارىنىڭ ەسەپشوتتارىنا بەلگىلەنگەن جالاقىدان جوعارى اقشا اۋدارۋ ارقىلى بيۋدجەت قاراجاتىن جىمقىرۋدىڭ قىلمىستىق سحەماسىن جاساعانى انىقتالعان. 2021-2023 جىلدار ارالىعىندا مەملەكەتكە 4 ملرد تەڭگەدەن استام زالال كەلتىرىلگەن.
وبلىس پروكۋراتۋراسىنىڭ ارنايى پروكۋرورلارى 41 قىزمەتكەردى, ونىڭ ىشىندە ءبىلىم ءبولىمىنىڭ 2 باسشىسىن, 1 باس ەسەپشى, 2 ورىنباسارىن جانە 36 ەسەپشىنى كۇدىكتى رەتىندە تانىدى. اۋداننىڭ بۇرىنعى جانە قازىرگى ءبىلىم ءبولىمىنىڭ باسشىلارى ۇستاۋ يزولياتورىنا جابىلىپ, سوتتىڭ سانكتسياسىمەن قاماۋعا الىندى, دەپ جازىلعان رەسمي حابارلامادا.
قازىر قىلمىستىق جولمەن الىنعان اقشانى جانە وزگە دە م ۇلىكتى زاڭداستىرۋدىڭ بارلىق ءمان-جايى مەن فاكتىسىن انىقتاۋعا باعىتتالعان تەرگەۋ ارەكەتتەرى جۇرگىزىلۋ ۇستىندە.
ماتەريالدى قولدانعان جاعدايدا, باستاپقى 1 نەمەسە 2-سويلەمدە malim.kz سايتىنا گيپەرسىلتەمە بەرۋىڭىزدى سۇرايمىز. اۆتورلىق قۇقىقتى قۇرمەتتەگەنىڭىزگە العىس ايتامىز.
